मनिषाको जीवनीमाथि फिल्म बन्दै
News, PhotoSlider, मनोरञ्जन, राष्ट्रिय समाचार 7:05 AM
नायिका मनिषा कोइराला पछिल्लो समयमा विभिन्न विवादमा फस्दै आएकी छिन् । यसबाट उनको जीवनमा अहिलेको क्षण निकै दुखद क्षण हो की भन्ने अड्कल काट्नेहरु धेरै छन् । तर मनिषाका लागि यी दिन केवल दुखका मात्र होइन निकै खुसीयालीका दिन समेत सावित भैरहेका छन् । खुसी यस अर्थमा की उनको जिवनमा आधारित बलिउड फिल्म बन्ने भएको छ ।
निर्माता मधुर भन्डारकरले बनाउन लागेको बहुप्रतिक्षित फिल्म हिरोइन मनिषाकै जिन्दगीको व्यवसायिक तथा व्यक्तिगत उतारचढावमा आधारित रहने भारतीय संचार माध्यमहरुले जनाएका छन् । यो फिल्ममा करीना कपूरले अभिनय गर्दैछिन् ।
बलिउड फिल्म उद्योगमा नब्बेको दशकमा सफलताको शिखरमा पुगेकी मनीषाको साख त्यसपछि भने गिर्दैगयो र विभिन्न विवादमा फस्न थालिन् । उनी रक्सीको लतमा फस्दै गएको र डिप्रेसनको सिकार समेत भएको भन्ने खबर पनि बाहिर आए । त्यसपछि बलिउड छाडेर नेपाल आएर राजाको सासनको समर्थन गर्दै अलोकपि्रयता समेत कमाएकी मनिषाले बिहेबारी पनि गरिन् अनी केही नेपाली फिल्ममा समेत अभिनय गरिन् । तर त्यसपछि मनिषाले अरु नेपाली फिल्म खेल्न पाइनन् र उनको वैवाहिक जिवन पनि फुटको संघारमा पुगिसकेको छ ।
वास्तवमा मनिषा कोइरालाको जिवनका कुनैपनि विषय नलुकेको र उनको जिवन खुला किताब जस्तै रहेको बलिउड समीक्षकहरु बताउँछन् । उनी पछिल्लो समयमा सार्वजनिक पार्टीहरुमा मदिराको नशामा मस्त देखिन्छिन् । उनको बिग्रँदो वैवाहिक जिवन पनि चर्चामै रहेको छ ।
फिल्म हिरोइन अभिनेत्री मर्लिन मुनरोको जिवनमा आधारित हुने कुरा यसअघि बताइएको थियो । तर अहिले भने उक्त फिल्म मनिषाको जिन्दगीमा आधारित रहेको खबर आएको छ । यद्यपि निर्माता मधुरले भने यो फिल्म मनिषाको जिन्दगीमा मात्र आधारित नभएको दाबी गरेका छन् ।
Posted by Arghakhanch Online
on 7:05 AM.
Filed under
News,
PhotoSlider,
मनोरञ्जन,
राष्ट्रिय समाचार
.
You can follow any responses to this entry through the RSS 2.0
