चैत १८,यहाँको प्रसिद्ध कालीका भगवती मन्दिरमा हजारौँ दर्शनार्थीको भीड लागेको छ। शुक्रवार मात्र करिव ३० हजार दर्शनार्थीले मन्दिरको दर्शन गरेका छन्। मनोकामना पुरा हुने विश्वासमा चैत्राष्टमी पर्वको अवसरमा मुलुकको विभिन्न ठाउँबाट दर्शनार्थी यहाँ आएका छन्।

पश्चिमाञ्चलकै ठूलो चैत्राष्टमी मेला तथा बाग्लुङ महोत्सव सोमबारदेखि यहाँ जारी छ। बाग्लुङ उद्योग बाणिज्य संघले आयोजना गरेको बाग्लुङ महोत्सवको अवलोकन गर्न र कालीका भगवती मन्दिरको दर्शन गर्न पर्वत, म्याग्दी, काठमाण्डौ, पोखरा, नेपालगञ्ज, चितवन लगायतको क्षेत्रबाट श्रद्धालु भक्तन यहाँ आएका छन्। 'दैनिक हजारौँको संख्यामा दर्शनार्थी आएका छन्, 'कालिका मन्दिर व्यवस्थापन समितिका सदस्य सचिव लोकेन्द्र खड्काले भने,' सप्तमीको दिनमात्र करिव ३० हजारले दर्शन गरे।' 'चैत्राष्टमी मेलाको अवसरमा अष्टमीको दिन( आज, शनिवार) करिव १लाखले दर्शन गर्ने अनुमान छ,' उनले भने।

मनोकामना पुरा हुने आशमा भाकल गरेकी मध्यपश्चिमको नेपालगञ्जबाट आएकी प्रतिभा खड्काले डेढ घण्टा लाईनमा बसेपछि बाग्लुङको कालिका भगवती मन्दिरको दर्शन गरिन्। 'भाकल पूरा हुने भएकोले दर्शन गर्न आएका हौँ,' पति र छोरा सहित आएकी रोकाले भनिन्।

चैत्राष्टमीमा घटस्थापनाको दिनदेखि सुरु भएको पूजा दशमीको दिनसम्म जारी रहन्छ। भीड हुने भएपछि पूजाआजा गर्न लाईनको व्यवस्था गरिएको छ। लाईन मिलाउनकोलागि सुरक्षाकर्मी र स्काउटका स्वयंसेवकलाई परिचलान गरेको समितिले जनाएको छ। चैत्राष्टमी र बडादर्शैँ बाहेक आईतवार र मंगलवारपनि पूजाआजा मन्दिरमा गर्ने बृद्धबृद्धा, युवायुवती, तरुणतन्नेरी समेत आउने गर्छन्।

चौविसे राजा किर्तीबम मल्लले विक्रम संम्बत १८४३ मा दशै मेला शुरु गरेका थिए। चैत्राष्टमीमा कालिका भगवती मन्दिरको आफ्नै पहिचान भएकोले सो अवसरमा चैत्राष्टमी मेला तथा बाग्लुङ महोत्सवको आयोजना गरेको उद्योगब बाणिज्य संघका अध्यक्ष बसन्त कुमार श्रेष्ठले बताए। 'लोक संस्कृतीको संरक्षण गर्न महोत्सवको आयोजना गरिएको हो,' श्रेष्ठले भने, 'अधिकांश मन्दिरको दर्शन गर्ने योजनाले यहाँ आउँछन्।

पोखरादेखि ७३ किलोमिटर यता बाग्लुङ बजार प्रवेशद्वारा रहेको मन्दिरमा सवारी साधनबाट सिधै आउन सकिने भएकोलेपनि यहाँ हजारौँ दर्शनार्थी आउने गरेका छन्। वि.स.१५९१मा पाल्पाका राजा मणीमुकुन्द सेनकी छोरी राजकुमारी विश्रवादेवीको पर्वतका राजा प्रतापीनारायण मल्लसंग विहे धार्मिक विश्वास छ। विहेमा विश्रवादेवीसंगै भगवतीको मुर्ति पनि दाईजो दिइएको र यस ठाउँमा आई बिसाउँदा पछि डेग नचलेकोले यही मुर्ति स्थापना गरिएको मन्दिर व्यवस्थापन समितिका कमल खड्काले बताए।

भगवतीप्रति भक्ति भाव राखेर भाकल गरेर राँगा, बोका बाजागाजा सहित मन्दिर ल्याएर बली दिने गरेका छन्। चैत्राष्टमी र बडादशैँमा स्थानीय उत्पादनको विक्रि वितरण हुने र राजाहरुले मनोरन्जन लिनको लागी मेला सुरुवात भएको पाइन्छ। चैत्राष्टमी मेलाकै अवसरमा यहाँ गाउँगाउँबाट डाला,डोका, नाङ्ला बेच्नकोलागि मन्दिर बाहिर बाङ्गेचौरमा भीडनै लागेको छ।

यो मन्दिरका चार ढोका मध्ये पूर्वतिरको ढोका कहिल्यै खोलिंदैन। पुर्वतर्फको ढोका खोलेमा नाग उत्पन्न हुन्छन् भन्ने किम्वदन्ति अनुसार सधैं बन्द गरिने प्रचलन रहेको छ। मन्दिरमा विहान चारै बजेदेखि पूजाआज सुरुवात हुन्छ। ' विहान साढे तीनमा पूजा नसक्दै दर्शनार्थी मन्दिर आईपुगेका हुन्छन्,'पूजारी सुरेस शर्माले भने,' कतिपय दर्शनार्थी मन्दिर परिसरमानै बास बस्ने गरेका छन्। हजारौँ जोडीले यो मन्दिरलाई साँची राखिसके। विवाहको लगन भएको समयमा दर्जनौँ जोडीले मन्दिरमा विहे गर्ने गरेका छन्। प्रेमप्रमीको जोडीले मन्दिरमै आएर पनि कसम खाने गरेका छन्। कालिका मन्दिरमा अहिले करिव दुई सयको संख्यामा जोगीहरु रहेका छन्। भारतदेखि समेत जोगीहरु आएर बस्ने गरेका छन्।स्रोत :नागरिक

१७ चैत, क दुईवटा बिषयमा पटक-पटक फेल भएको कुरा आफ्नो प्रमाणपत्रमा उल्लेख हुँदा दिक्क हुनुभएको छ ? त्यसो भए अब चिन्ता नलिनुस- जतिवटा बिषयमा पास हुनुभयो, त्यतिवटा पास प्रमाणपत्रमात्रै लिन पाउने ब्यबस्था नेपालमा पनि सुरु हुन लागेको छ ।कक्षा ८ को जिल्लास्तरीय परीक्षामा अनुत्तीर्ण भएका विद्यार्थीको प्रमाणपत्रमा ‘अनुत्तीर्ण’ भनी उल्लेख नगरिने भएको छ । सम्बन्धित जिल्ला शिक्षा कार्यालयले भर्खरै सो तहको परीक्षा लिएको र प्रमाणपत्र दिँदा विषयगत उत्तीर्ण पद्धति (सब्जेक्ट वाइज पास सिस्टम) अनुरूप जतिवटा विषयमा विद्यार्थी उत्तीर्ण हुन्छ, त्यतिवटा विषयको मात्र प्रमाणपत्र दिनेछन् ।शिक्षा मन्त्रालयका प्रवक्ता तथा सहसचिव जनार्दन नेपालले आधारभूत तहको शिक्षामा सामान्यतया अनुत्तीर्ण हुने पद्धतिलाई हटाउन शिक्षा नियमावलीमा नै यस्तो व्यवस्था गरिएको बताउँदै भन्नुभयो, “अनुत्तीर्ण भएका विद्यार्थीको प्रमाणपत्रमा अनुत्तीर्ण भनी लेखिनेछैन ।”उहाँका अनुसार सबै विषयमा उत्तीर्ण भएमा मात्र प्रमाणपत्रमा ‘उत्तीर्ण’ भनी उल्लेख गरिनेछ भने अनुत्तीर्ण भएमा अनुत्तीर्ण भएको विषयमा खाली राखिनेछ र प्रमाणपत्रमा अनुत्तीर्ण भनी नजनाइने आजको गोरखापत्र दैनिकले छापेको छ ।कक्षा ८ को परीक्षामा सम्मिलित भएकामध्ये सरदर १० प्रतिशत अनुत्तीर्ण हुने गरेको अनुमान मन्त्रालयको छ । परीक्षामा अनुत्तीर्ण भएका विद्यार्थीले कक्षा ८ का सम्पूर्ण विषयमा उत्तीर्ण नहुन्जेल कक्षा ९ मा भर्ना हुन पाउनेछैनन् । “आगामी वर्ष उसले अनुत्तीर्ण भएको विषयको मात्र परीक्षा दिए पुग्छ। सबै विषय पढिरहनु पर्दैन”, उहाँले थप्नुभयो, “उसलाई कक्षा ८ मा अनुत्तीर्ण भएका विषयहरू पढ्न विद्यालय गइरहनु पर्दैन। घरमै बसेर अध्ययन गर्न पनि पाउँछ ।”मन्त्रालयले कक्षा ८ मा अनुत्तीर्ण भएकालाई पढाइसँगै सीपमूलक तालिमको समेत व्यवस्था गर्ने भएको छ। त्यसरी अनुत्तीर्ण भएकाहरूले निराश भई पढाइ नछाडून् भनेर पढाइलाई कामसित जोड्न खोजिएको सहसचिव नेपालले बताउनुभयो । उहाँका अनुसार त्यस्ता विद्यार्थी वर्षको २६ पटक विद्यालयमा गए पुग्ने खालको सीपमूलक तालिमको व्यवस्था गर्न लागिएको छ ।“सीपमूलक तालिममा सहभागी हुन चाहने विद्यार्थीलाई गाइडका रूपमा एकजना शिक्षक उपलब्ध गराइनेछ। ती शिक्षकको निगरानीमा विद्यार्थीले तालिम पूरा गर्न सक्छ”, उहाँले थप्नुभयो, “विद्यार्थीले गाइड शिक्षकलाई प्रत्येक १५ दिनमा सम्पर्क गर्नुपर्ने हुन्छ।सम्पर्क कक्षाका आधारमा उसले तालिम पूरा गर्न पाउँछ ।”

मन्त्रालयले त्यस्ता विद्यार्थीलाई उपलब्ध गराउने तालिमका विषयहरू तोक्न बाँकी नै छ । “तालिम सम्पन्न भइसकेपछि विद्यार्थीले कक्षा ८ मा अनुत्तीर्ण भएका विषयहरूको परीक्षा दिन पाउँछ। कम विषयको परीक्षा दिनुपर्ने भएकाले उत्तीर्ण हुन उसलाई सहज पनि हुन्छ ।

१६ चैत, महानगरीय प्रहरी वृत्त बानेश्वरमा बिहीबार दिउँसो चार बजे एक महिला अत्तालिदै आइन् र आफ्नी छोरी अपहरणमा परेको उजुरी लेखाइन् । उनकी १५ वर्षीया छोरी अपहरणमा परेको शंका गर्ने प्रशस्त आधार थिए ।

‘दिदीलाई कालो सिसा भएको सेतो भ्यानमा हालेर दुईजना केटाले लिएर गए भन्नु है !’ तीनकुनेस्थित सुविधानगर बस्ने सलोना भण्डारीले भाइहरू सिदक भण्डारी र सौगात श्रेष्ठलाई यसै भनेर घर पठाएकी थिइन् । सुविधानगरबाट तीनकुने चोकसम्म हिडेर सगै आएकी दिदीले सिकाएकै कुरा सिदकले आफ्नी ठूलीआमालाई सुनाए ।
सातदोबाटोमा घर बनाउने काममा व्यस्त रहेकी सलोनाकी आमा प्रतीक्षाकहा तत्कालै यो खबर पुग्यो । आत्तिदै उनी घर आइन् । छोरासित सोधपुछपछि छोरी ‘सलोना’ अपहरणमा परेको निष्कर्षमा पुगेलगत्तै नजिकै रहेको महानगरीय प्रहरी वृत्त बानेश्वर कार्यालयमा रिपोर्ट गरिन् ।प्रहरीले उजुरीलाई गम्भीर रूपमा लियो । तत्काल अनुसन्धानमा प्रहरी टोली खटायो । सलोनासगै हिड्दै गएका सिदक र सौगातलाई पनि कार्यालयमा झिकाइयो । प्रहरीले पहिले सिदकसग घटना विवरण बुझ्यो, उसको जवाफ पहिलेकोजस्तै आयो । त्यसपछि सौगातलाई सोधिएको प्रश्नमा उनले भने, ‘दिदीले त हामीलाई चोकमै छाड्नुभयो र टाटा गर्दै ट्याम्पुमा चढेर जानुभयो ।’‘कालो सिसा भएको गाडीमा जानुभयो भनेको होइन ?’ प्रहरीको प्रश्नपछि सिदकले भने दिदीले त्यही भन्न सिकाएको बताए ।प्रहरीले घटनालाई अर्कै रूपमा लियो । सलोनाले मोबाइल घरमै छाडेकी रहिछन् । प्रहरीले उनको मोबाइलको ‘कल डिटेल्स’ हेर्‍यो । एउटै नम्बरमा १८ मिनेट कुराकानी गरेको पाइयो । यसको लोकेसनचाहि इलाम रहेको पाइयो । एसएमएस बक्स खोलियो । बक्समा फेला पर्‍यो, ‘आई लभ यु, आई क्यान्ट लिभ विदआउट यु’ जस्ता रोमान्टिक एसएमएस । अभिभावकसित सोधपुछपछि उनले केही दिनअघि ब्लेडले हात चिरेको घटना पनि खुल्यो ।त्यसपछि खोजी भयो– सलोनाका साथीहरूसितको सम्बन्ध र जावलाखेलस्थित आदर्श विद्यामन्दिरमा कक्षा आठमा अध्ययनरत उनका सहपाठीबारे सोधखोज । केही पत्ता नलागेपछि टोलछिमेकसगको सम्बन्धबारे बुझ्दा पनि केही रहस्य पत्ता लाग्न सकेन । अन्ततः बिहीबार राति करिब साढे आठ बजे बानेश्वर पञ्चकुमारी मार्गस्थित नानु कार्कीकहा उनी बसेको पाइयो ।प्रहरीका अनुसार सलोना इलामका अनुरुद्ध केसी नामका युवकसित गहिरो प्रेममा परेकी रहिछन् । केसीको केही महिनाअघि सलोनाको घरमा डेरा गरी बस्ने नानु कार्कीकहा आउने जाने गर्थे । त्यहीबेला उनीसति सलोनाको सामान्य चिनजान भयो । पछि फेसबुकमार्फत साथी बनेका उनीहरूको सम्बन्ध प्रगाढ हुदै गयो । उनीहरूको सम्बन्धमा घरपरिवारको अवरोध हुन थालेपछि केसीसित भाग्ने आग्रह गरिन् । सलोनाको आग्रहलाई स्विकार्दै केसीले एक हप्तापछि लिन आउने भन्यो । त्यसपछि सलोना नानु कार्कीको बानेश्वरस्थित कोठामा गएर बसिन् । यो सबै विवरण ‘फोन ट्रयास’मार्फत प्रहरीले पत्ता लगाएको हो ।प्रहरी वृत्त बानेश्वरका डिएसपी वीरबहादुर ओलीका अनुसार मायाप्रीतिकै चक्करमा सलोनाले यो कदम चालेकी हुन् । उनले भने, ‘खोजी नगरिएको भए, उनीहरू बिहानै भाग्ने स्थितिमा पुगेका रहेछन् ।’ आफ्नो केटासाथीबारे भने सलोनाले केही भनेकी छैनन् । सलोनाका अभिभावक भने घटनाबारे खुल्न चाहेनन् ।

१७ चैत, करिव ५ लाख सर्वसाधारणबाट गैरकानुनी ढंगले रकम उठाएको हर्वो नेटवर्क मार्केटिङका संचालकहरु भूमिगत भएका छन् ।सर्वोच्च अदालतले बुधबारमात्रै उनीहरुको कारोवार अबैध भन्दै सवैखाले नेटवर्क ब्यबसाय खारेजीको फैसला गरिदिएपछि हर्वो संचालक भूमिगत भएका हुन् । भूमीगत हुनेमा अध्यक्ष गोकुल श्रेष्ठ, उपाध्यक्ष पुष्पराज पुरुष, निर्देशकहरु नेत्रपाणी वास्तोला, बसन्त पण्डित र पुनप्रसाद सुवेदी छन् ।

सर्वोच्चको फैसलापछि प्रहरीले उनीहरुको कारोवारबारे सोधपुछ गर्न संचालकहरुको खोजी गरेपनि फेला पर्न नसकेको कान्तिपुर दैनिकले छापेको छ । उनीहरु वेपत्ता भएपछि प्रहरीले वासस्थानमै निगरानी बढाएको छ । तर बुधबार साँझ कोही पनि आफ्नो वासस्थानमा पुगेनन् ।प्रहरीको केन्द्रीय अनुसन्धान ब्युरो-सीबीआई)ले शुक्रबारसम्म मात्र उनीहरुका बारेमा जानकारी प्राप्त हुने अपेक्षा गरेको छ । तर सरकारी निकाय बाणिज्य तथा आपूर्ति मन्त्रालयले भने उनीहरुको ठगीबारे अनुसन्धान गर्ने कुनै कदम नचालेको समाचारमा उल्लेख छ ।

१५ चैत,  अष्ट्रेलिया सरकारले उच्च शिक्षामा अन्तराष्ट्रिय क्षेत्रका बिद्यार्थीको पहुँच पुर्‍याउन भिसा नीति खुकुलो पारेको छ । अपि्रल १ देखि लागू हुनेगरि स्टि्रमलाइन्ड भिसा नीतिमा उच्चशिक्षा हाँसिल गर्न अष्ट्रेलिया जाने बिद्यार्थीले अब धेरै कागजात देखाउनुपर्ने छैन् ।अष्ट्रेलिया पढ्न जाने बिद्यार्थीले अब वैंक ब्यालेन्स र शैक्षिक ऋणसमेत देखाउनु पर्ने छैन् । अभिभावकको आम्दानी स्रोत र आफ्नो शैक्षिक योग्यताको कागजात देखाएमात्र पुग्छ । अमेरिका, जापान, युके लगायतका देशमा धेरै कागजात देखाउनुपर्ने भएकाले ती मुलुकमा बिद्यार्थीलाई भिसा पाउन कठिन छ । यस्तो अबस्था नयाँ नीतिले नेपाली बिद्यार्थीलाई लाभ पुग्ने नेपालस्थित शैक्षिक परामर्शदाताहरु बताउँछन् ।

‘भिसा नीति अप्ठेरो र झण्झटिलो हुँदा दुई बर्षदेखि अष्ट्रेलियामा अन्तराष्ट्रिय बिद्यार्थीको संख्या घट्दै गएको थियो- शैक्षिक परामर्श संघ इक्यानका अध्यक्ष राजेन्द्र बरालले भने- अब नयाँ नीतिले योग्य र सक्षम बिद्यार्थी सहजै अष्ट्रेलिया जान पाउँछन् ।’ अब शैक्षिक योग्यता राम्रो भएकाले टोफेल र आइएलटीएसमा ६ प्वाइन्ट ल्याए पुग्छ’ बरालले भने- नयाँ नीतिमा स्वीकृतिप्राप्त कलेज र बिश्वबिद्यालयलाई नै मापदण्ड पुरा गरि बिद्यार्थी छान्ने अधिकार दिइएको छ ।’- आजको नागरिक दैनिकमा छापिएको छ ।

१५ चैत, सगरमाथा आरोहण काण्डसँगै मिडियाबाट टाढै बसेका माओवादी अध्यक्ष प्रचण्ड पुत्र प्रकाश दाहालले सगरमाथा काण्डका थुप्रै्र गुह्य कुराहरु खोलेका छन् ।

प्रधानमन्त्री नभई उनका सहयोगीको षडयन्त्रका कारण आफुहरुले रकम नपाएको दुखेसो गरेको प्रकाशले टोली नेता कृष्ण केसीका कारण पनि धेरै कुरा बिगि्रएको बताएका छन् । बाऊलाई बदनाम गराउन आफुलाई हतियार बनाइएको भन्दै प्रकाशले धेरै रक्सी पिउने र बाऊकै इसारामा फेसबुकमा स्टाटस पोष्ट गर्ने आरोपलाई अस्वीकार गरेका छन् ।

जनआस्था साप्ताहिकसँग अन्तरंग कुराकानी गरेका प्रकाशले आफ्नै वैबाहिक सम्बन्ध र पूर्वपत्नीसँगको सम्बन्धबारे पनि खुलाएका छन् । ‘अहिले प्रभाजीसँग मेरो सम्बन्ध राम्रो छ, कमरेड्ली ब्यबहार हुन्छ ।’ प्रकाश भन्छन- उहाँ पार्टीको जिम्मेवार कमरेड हुनुहुन्छ, म पनि पार्टीमै काम गर्छु । उहाँ त अहिले पत्रकारिता क्षेत्रमा हुनुुहन्छ । म अध्यक्षसँग हिडिराख्छु र उहाँ पत्रकारको हैसियतले ती ठाउँमा पुग्नुुहुन्छ । भेट हुन्छ, गफ हुन्छ, हामी एक आपसमा हितैषी नै छौं ।’

प्रकाशले दोस्रो बिहे गरिसके र जन्मिएको बच्चा पनि १७ महिनाको भइसक्यो । तर भेट्दा उनले आफ्नै पूर्वपत्नीलाई बिबाहको सल्लाह पनि दिने गरेका रहेछन् । मैले त प्रभाजीलाई बेलैमा बिहे गर्नुस भनेर शुभकामना दिएको छु- ‘प्रकाशले भने-उमेर छ, बेलैमा गरिहाल्नुस भन्ने सुझाव दिएको छु ।’

१५ चैत,  देशका पूर्वी भारतीय सीमावर्ती क्षेत्रमा आज बिहान भूकम्पको धक्का महसुस भएको छ । बिहान पाँच बजेर २५ मिनेटमा झापा र मोरङको भारतीय सीमावर्ती क्षेत्रमा केन्द्रविन्दु रहेको पाँच दशमलब २ रेक्टर स्केलको भूकम्प गएको भूकम्प मापन केन्द्रले जनाएको छ ।

भूकम्पको धक्का ताप्लेजुङ्ग, पाँचथर, ईलाम, झापा, सप्तरी, सुनसरी, मोरङ्ग, सिरहा लगायतका जिल्लामा बढी महसुस गरिएको थियो । भूकम्पले भारतका विभिन्न ठाउँमा पनि धक्का दिएको त्यहाँका संचार माध्यमहरुले जनाएका छन । भूकम्पले पुर्याएको क्षतिबारे विस्तृत जानकारी आइसकेको छैन ।

१४ चैत, गुल्मीको दिगाम २ पिलनेटामा ट्रकको ठक्करवाट २ जना घाईते भएका छन् । सदरमुकाम तम्घासवाट रिडी जाँदै गरेको लु १ ख ५२४८ नम्वरको ट्रकको ठक्करवाट वलेटक्सार मुसीडाँडाका १३ वर्षीय मनोज थापा र कमल पौडेल घाईते भएका छन् । वाटोमा हिडिरहेका उनीहरु लाई ट्रकले ठक्कर दिएको थियो । ठक्करवाट घाईते दुवैको लुम्विनी मे डिकल कलेज पाल्पामा उपचार भईरहेको र अवस्था खतरामुक्त रहेको जिल्ला प्रहरी कार्यालय गुल्मीले जनाएको छ । ठक्कर दिएर भागेका गौँडाको ट ८ का चालक नुतन थापा र ट्रकलाई दिउसो इलाका प्रहरी कार्यालय रि डिले नियन्त्रणमा लिएको प्रहरी नायव उपरिक्षक राजकुमार वैदवारले जानकारी दिनुभएको छ ।  स्रोत :गुल्मीन्युज 

चैत्र १४,सशस्त्रका डिआईजी रञ्जन कोइरालाले श्रीमतीको हत्या गरेको घटना सेलाउदै नपाउँदै फेरि प्रहरी अधिकारीले श्रीमतीको अत्या गरेका छन् ।राष्ट्रिय अनुसन्धन विभागका कार्यरत असई पदका सोलुखुम्बु सल्यानका पून्य निरौलाले आफ्नी ३२ वर्षीया रमिला अधिकारी निरौलाको हत्या गरेका हुन् ।

पुन्यले धारिलो हतियार सिलौटा, लोहोरो लगायतका सामाग्रीले निर्घात कुटपिट गरेपछि बेहोस भएकी रमिलाको विश्वज्वति अस्पताल बल्खुमा उपचारको क्रममा मृत्यु भएको छ । पुन्यले श्रीमती रमिला र ७ वर्षीय छोरा साइन्समाथि चैत ३ गते राति कुटपिट गरेका थिए ।गम्भीर घाइते साइन्सको भने अहिले उपचार भइरहेको छ । यसैबीच ओरेक नेपालले दोषीमाथि कारबाहीको माग गरेको छ । जनताको जीउ, धन तथा सम्पत्तिको सुरक्षा तथा अपराध नियन्त्रणका लागि सेवामा खटिएका राष्ट्रसेवक बाटै यस्तो जघन्य अपराध दोहोरी रहनुले सरकार र न्याय प्रणालीलाई नै चुनौती भएको ओरेकले बिज्ञप्ती जारी गरि जनाएको छ ।

१३ चैत, गौतम बुद्धको जन्मस्थल लुम्बिनीको प्रचार गर्न तम्सिएको नेपाल राष्ट्र वैंकले अब नेपाली एक सय रुपैयाँको नोटमा गौतम बुद्धको जन्मस्थल लुम्बिनी र अशोक स्तम्भ राख्ने भएको छ । त्यो सँगै एक सय रुपैयाँको नोटमा लेखिने छ- -लुम्बिनीः द बर्थ प्लेस अफ लर्ड बुद्ध ।’गौतम बुद्ध नेपालमै जन्मिएका हुन भनेर प्रचार गर्न तम्मिएको नेपाल राष्ट्र वैंकले अब छाप्ने नोटमा यस्ता तस्वीर राख्न प्रस्ताव तयार पारि अर्थ मन्त्रालय पठाएको छ । अर्थले सो प्रस्तावलाई मन्त्रिपरिषद्मा लगेर स्वीकृति दिएपछि नोट छाप्ने काम सुरु हुने छ । लुम्बिनीका तस्वीर अंकित नोट बजारमा आउन ६ महिना लाग्ने छ ।

‘रुपैयाँ एक सय तुरुन्त पाइने छ’ भन्ने वाक्यको तल र गर्भनरको हस्ताक्षरको ठिक माथि हाल खाली रहेको स्थानमा अंग्रेजीमा लुम्बिनीः द बर्थ प्लेस अफ लर्ड बुद्ध ‘ हाल तारादेवीको मूर्ति रहेको स्थानामा मायादेवीको मूर्ति र मन्दिर रहेको ठाउँमा अशोक स्तम्भ राख्न लागिएको छ ।तर नोटमा गौतम बुद्धको तस्वीर भने राखिने छैन् । गौतम बुद्धको तस्वीर बिभिन्न आकारप्रकारका भएको र त्यसमा एकरुपता नभएकाले तस्वीर राख्न समस्या भएको बताइएको छ । अबदेखि कागजी नोटमा बिक्रम सम्बत र ईस्वी सम्वतमा निष्काशन मितिसमेत राखिने भएको छ । लेख्न प्रस्ताव गरिएको राष्ट्र वैंक स्रोतलाई उदृत गर्दै नयाँ पत्रिका दैनिकले छापेको छ । 

१३ चैत,  भारतले आफुसँग गरेको राजनीतिक समझदारी भंग गरेर धोका दिएको बताउँदै आएका ज्ञानेन्द्रले एक महिनाअघि भारतीय नेताहरुको ढोका ढकढक्याएर फर्किए ।

यसपटक भने ज्ञानेन्द्रले सोनिया र मनमोहन सिंहसँग भेटेर आफुमाथि धोका भएको गुनासो राखेको बताइएको छ । त्यसको जवाफमा भारतीय नेताहरुले राजालाई जनतामा तिम्रो ग्राउन्ड छैन, ग्राउन्ड बनायौं भने हामी तिम्लाई साथ दिन्छौं भनेर उल्क्याएको सोमबारको साँघु साप्ताहिकले छापेको छ ।

भारतीय नेताहरुको यो फर्मूला सत्य ठानेर ज्ञानेन्द्र पनि गाउँशहर घुम्ने योजनामा लागेका छन् । यज्ञ र धर्मका नाममा घुम्न सुरु गरेका ज्ञानेन्द्र चाँडै पश्चिम भ्रमणमा निस्कन लागेको बताइएको छ । आगामी चैत १६ गते उनी सुदुरपश्चिमको धनगढी पुग्न लागेको समाचारमा उल्लेख छ । ज्ञानेन्द्रलाई ग्राउन्ड बनाउ भनेर उक्साउने भारतीय नेतृत्वले अब राजतन्त्र ब्युँतिन सक्छ त्यसैले हामी अनुकुल संबिधान बनाउ भन्दै माओवादी अध्यक्ष प्रचण्ड र प्रधानमन्त्री बाबुराम भट्टराईलाई दबाब दिने गरेका छन् ।

१३ चैत,  तत्कालिन सुरक्षा फौजको यातनाबाट मानसिक सन्तुलन गुमाएका डडेल्धुराका एक युवक पशुसँगै जीवन बिताइरहेका छन् । उपचारको अभावमा उनलाई अभिभावकले नै पशुसँगै डोरीले बाँधेर राखेका हुन् ।

डडेल्धुराको अजयमेरु गाविस व्यौराका २८ वर्षिय रघुनाथ भट्टलाई २० फागुन २०६१ मा धागढीस्थित एक होटलमा काम गरिरहेको अबस्थामा सुरक्षा फौजले पक्राउ गरेको थियो । पक्राउ पछि दिएको चरम यातनाका कारण उनको मानसिक सन्तुलन गुमेको हो ।औषधोपचा अभावले गर्दा पशुसँगै बाँधेर राख्नु परेको उनका बुबा राधेश्याम भट्टले भने । घरमा नयाँ मान्छे आउनानसाथ झम्टिहाल्ने भएकोले उनलाई बाँधेर राखिएको हो । ‘देश गएर छोराले कमाउला भनेको त उल्टै बुढेसकालमा यसको गोठालो बस्नु पर्‍यो’ उनका बुबाले भने ।राधे श्यामका दोस्रो सन्तान पनि अपांगताको सिकार भएकोले पूरै परिवार विचल्लीमा परेको आजको राजधानी दैनिकले छापेको छ ।

१२ चैत, गैंडाकोट गाविस ७ गैरीमा ज्वाइँको कुटपिटबाट जेठानको मृत्यु भएको छ ।

घरायासी विवादपछि गैंडाकोट-७ गैरीका २२ वर्षीय ज्वाइँ देव सुनार र उनका भाइ १६ वर्षीय रोमन सुनारको कुटपिटबाट जेठान २४ वषर्ीय तारा विकको मृत्यु भएको इलाका प्रहरी कार्यालय गैंडाकोटका प्रहरी निरीक्षक डिल्लीनारायण पाण्डेयले जानकारी दिए । कुटपिटमा संलग्न देव र रोमनलाई प्रहरीले नियन्त्रणमा लिएको छ ।

बुवाको मृत्युपछि देव र रोमन आˆनै घरमा किरिया बसिरहेका थिए । ससुरा बितेको खबरपछि क्रिया बस्न आएकी देवकी जेठी पत्नीसँग विवादपछि घटना घटेको स्थानीयले बताए।

विवादपछि भएको झडपमा घाइते भएका जेठी पत्नीका दाजु ताराको उपचारका क्रममा भरतपुर मेडिकल कलेज चितवनमा मृत्यु भएको हो । शव भरतपुर अस्पतालमै राखिएको छ ।

घटनाका बारेमा थप अनुसन्धान भइरहेको गैंडाकोट प्रहरीले जनाएको छ । पक्राउ परेका रोमन एसएलसी परीक्षाका परीक्षार्थी हुन् । उनी आइतबारको परीक्षा दिनबाट वञ्चित भएका छन् । बाँकी परीक्षा पनि दिन पाउने या नपाउने निश्चित नभएको प्रहरीले जनाएको छ ।source online khabar