फागनु १७,

हेटाँडामा पहिलो पटक हुन लागेको महोत्सव २१ गतेसम्म चल्नेछ । महोत्सवमा विभिन्न रोगले ग्रसित भएकाहरुको उपचार गरिने तथा राष्ट्रिय तथा अन्तराष्ट्रिय कलाकारहरुको विशेष प्रस्तुती रहने आयोजकले जनाएको छ । यसैबिच, नेपाल प्रज्ञा प्रतिष्ठान तथा अवधि साँस्कृतिक विकास परिषद् बाँकेको आयोजनामा आजदेखि दुई दिने अवधि महोत्सव सुरु हुने भएको छ ।

अवधी भाषा र साहित्यलाई परिष्कृत गर्न महोत्सवको नेपालगन्जमा आयोजना गरिएको अवधि साँस्कृतिक विकास परिषद बाँकेका अध्यक्ष सच्चिदानन्द चौबेले जानकारी दिनुभयो । महोत्सवमा कार्यपत्र प्रस्तुति, सांस्कृतिक कार्यक्रम, बहुभाषिक काव्य गोष्ठी तथा छलफल गरिने अध्यक्ष चौबेले बताउनुभयो ।

महोत्सवमा बाँके, बर्दिया, दाङ, काठमाडौ, सुर्खेत लगायत भारतका करिब एक सय अवधि अगुवा तथा साहित्यकारहरुको सहभागिता रहने परिषद बाँके कोषाध्यक्ष राकेश मिश्रले जानकारी दिनुभयो ।