बेलायती विश्वकै सर्वोच्च शिखर सगरमाथा आफ्नै देशमा रहेको ठान्दा रहेछन्
News, प्रवास समाचार 8:52 PM
५ चैत,आधाभन्दा बढी बेलायती विश्वकै सर्वोच्च शिखर सगरमाथा आफ्नै देशमा रहेको ठान्दा रहेछन् ।
दुइहजार बेलायतीमाझ हालै गरिएको एक सर्वेक्षणमा ‘हाम्रो देशको सबैभन्दा अग्लो हिमाल कुन हो ?’ भन्ने प्रश्नमा ५८ प्रतिशतले माउन्ट एभरेष्ट भन्ने जवाफ दिएका थिए ।बेलायतको सबैभन्दा अग्लो स्काफेल पिक भने ९ सय ७८ मिटर मात्र अग्लो छ । नेपालमा रहेको विश्वकै सर्वोच्च शिखर सगरमाथा भन्दा त्यो ५ गुणा होचो छ ।बेलायती पत्रिका डेली मेलले यो सर्वेक्षणबाट बेलायतीमा रहेको सामान्य ज्ञानको घोर अभाव दर्सिएको उल्लेख गरेको छ । उसले घरेलु पर्यटन प्रवर्द्धन गर्न अहिले जारी विज्ञापन अभियान पर्याप्त नभएको समेत यो सर्वेक्षणले देखाएको उल्लेख गरेको छ ।आजको नागरिक दैनिकमा छापिएको खबर अनुसार बेलायतका २० प्रतिशत बासिन्दालाई त आफ्नो देशमा इंग्ल्याण्ड, स्कटल्याण्ड, उत्तरी आयरल्याण्ड र वेल्स गरी ४ राज्य रहेको समेत पत्तो रहेनछ । जर्नी डेस्टिनेसन भन्ने टुर अपरेटर संस्थाले यो सर्वेक्षण गरेको हो ।
संस्थाका कार्यकारी निर्देशकले यस्तो हाँसोउठ्दो नतिजाबाट बेलायतीको कमजोर ज्ञान थाहा पाएर छक्क परेको बताएका छन् । उनले न्युयोर्क, पेरिस, रोम तथा अन्य स्थानबारे बेलायतीमा राम्रो ज्ञान रहेपनि आफ्नै देशबारे थाहा नभएको बताए । यसो हुनुमा इन्टरनेट समेत दोषी रहेको विज्ञहरुको भनाइ छ ।
Posted by Arghakhanch Online
on 8:52 PM.
Filed under
News,
प्रवास समाचार
.
You can follow any responses to this entry through the RSS 2.0
