युवती बिक्री गरेको ठहर गर्दै एक महिलालाई २० वर्ष कैद
News, राष्ट्रिय समाचार 11:48 AM
फाल्गुन २३ - पुनरावेदन अदालत हेटौंडाले तारेखमा छाडेको एक महिलालाई जिल्ला अदालतले मानव बेचबिखन तथा ओसारपसार गरेको ठहर गर्दै २० वर्ष कैद र २ लाख रुपैयाँ दण्ड गर्ने फैसला गरेको छ ।जिल्ला न्यायाधीश टेकनारायण कुँवरको सोमबार बसेको इजलासले मकवानपुर चुरियामाई गाविस-१ की २४ वषर्ीया कमला रुम्बालाई विदेशमा लगेर एक युवती बिक्री गरेको ठहर गर्दै उक्त फैसला गरेको हो । उनले २०६६ मंसिर ८ मा चुरियामाई गाविस-१ की २२ वषर्ीया युवतीलाई रोजगारीका लागि भनेर बहराइन लगेर 'वेश्यावृति' मा लगाएकी थिइन् । ती युवती बहराइनको एक महिलाको सहयोगमा २०६८ वैशाखमा हेटौंडा र्फकन सफल भएकी थिइन् । उनको उजुरीका आधारमा प्रहरीले कमलालाई वैशाख ७ गते पक्राउ गरेको थियो ।जिल्ला अदालत मकवानपुरले मानव बेचबिखन तथा ओसारपसार मुद्दामा २०६८ वैशाख २८ गते कमलालाई पुर्पक्ष्ाका लागि थुनामा राख्ने आदेश जारी गरेको थियो । पुनरावेदन अदालत हेटौंडाको २०६८ जेठ १९ गते बसेको मुख्य न्यायाधीश पुरुषोत्तम पराजुली र न्यायाधीश बमकुमार श्रेष्ठको संयुक्त इजलासले कमलालाई सादा तारेखमा छाड्ने आदेश दिएको थियो । उक्त आदेशअनुसार कमला रुम्बा जेलबाट मुक्त भइन् । तर तारेखमा हाजिर नभएर फरार भइन्, हालसम्म पनि फरार छिन् ।सर्वोच्च अदालतका न्यायाधीशद्वय अवधेशकुमार यादव र प्रकाश वस्तीको २०६८ भदौ २३ गते बसेको संयुक्त इजलासले कमलालाई पुर्पक्षका लागि थुनामा राखेर मुद्दा चलाउन आदेश जारी गरेको थियो । आदेश हुनुअगावै उनी फरार भइसकेकी थिइन् ।(इकान्तिपुर बाट )
Posted by Arghakhanch Online
on 11:48 AM.
Filed under
News,
राष्ट्रिय समाचार
.
You can follow any responses to this entry through the RSS 2.0
