प्रधानमन्त्रीले भने- यमराज राज्य भएको छैन
News, राष्ट्रिय समाचार 9:51 AM
१८ फागुन,प्रधानमन्त्री डा. बाबुराम भट्टराईले सरकारको सन्तुलित ढंगले मूल्यांकन गरिदिन आग्रह गर्नु भएको छ ।सरकार असफल भएको भन्दै भइरहेको आलोचनाप्रति इङ्गति गर्दै भट्टराईले पहिले सबैकुरा जादुको छडीले झै हुन्छ भन्ने गरेको र अहिले सरकारको विरोध सुरु भएको भन्दै असन्तुष्टि जनाउनु भयो ।
‘सरकार स्वर्गमा रहेको इन्द्रको राज्य वा रामराज्य जस्तो थिएन र यमराजको राज्य पनि होइन’ शान्ति अभियानद्धारा बिहीबार लुम्बिनीमा आयोजित कार्यक्रममा प्रधानमन्त्री भट्टराईले भन्नुभयो-’हामी मान्छे हौं, हामी गुण र दोषसहितका मान्छे हौं ।’
सरकारले ढिलो ढिलो भएपनि शान्ति र संविधान निर्माणलाई अघि बढाइरहेको उहाँको भनाई छ । शान्ति र संविधान कुन पहिले भन्ने विवाद देखिएको भन्दै प्रधानमन्त्री डा. भट्टराईले शान्ति र संविधानलाई एकसाथमा लैजानु पर्ने बताउनु भयो ।
कार्यक्रममा माओवादी अध्यक्ष पुष्पकमल दाहाल प्रचण्डले आफूहरु शान्ति र संविधान निर्माणको जिम्मेबारी पूरा गर्ने प्रतिवद्धता जनाउनु भयो । शान्ति र संविधान निर्माण सफल पार्न नसके मुलुक निकै अफ्यारोमा पर्ने उहाँको भनाई छ
Posted by Arghakhanch Online
on 9:51 AM.
Filed under
News,
राष्ट्रिय समाचार
.
You can follow any responses to this entry through the RSS 2.0
