रुपन्देहीका क्रसर उद्योगहरू सङ्कटग्रस्त अवस्थामा
News, अर्थ/वाणिज्य 8:58 PM
३० फागुन, रूपन्देहीका क्रसर उद्योगहरू सङ्कटग्रस्त अवस्थामा रहेकाले क्रसर उद्योग क्षेत्रका समस्या हल गर्न सरकारी निकाय गम्भीर बन्नुपर्नेमा जोड दिइएको छ । क्रसर क्षेत्रका समस्या र समाधानका उपायबारे रूपन्देहीमा आयोजित एक कार्यक्रममा वातावरणमा असर नपुग्ने गरी सञ्चालनको वातावरण बनाउन सहभागीहरूले जोड दिएका छन् ।
उद्योग सञ्चालनको अनुमति दिने सरकारी निकायले उद्योग संरक्षण गर्नेतर्फ चासो नदिएको गुनासोसमेत सहभागीले राखेका छन् । कार्यक्रममा जिल्ला प्रहरी कार्यालय रूपन्देहीका प्रहरी प्रमुख प्रहरी उपरीक्षक रवीन्द्रनाथ रेग्मीले रूपन्देहीको क्रसर उद्योगहरूको समस्या एकपक्षीयरूपमा हल गर्न नसकिने अवस्थामा रहेको बताउनुभयो ।
रूपन्देही उद्योग सङ्घका अध्यक्ष तेजकुमार पाठकले सबै दोष उद्योगीलाई दिएर राज्य पन्छिने प्रवृत्ति हट्नुपर्नेमा जोड दिनुभयो । सिद्धार्थ नगर उद्योग वाणिज्य सङ्घका अध्यक्ष विष्णु शर्माले राज्यको अस्पष्ट नीतिले उद्योग फष्टाउने वातावरण नभएको भन्दै क्रसर उद्योगका सम्बन्धमा सरकारी निकाय गम्भीर हुनुपर्नेमा जोड दिनुभयो । रासस
Posted by Arghakhanch Online
on 8:58 PM.
Filed under
News,
अर्थ/वाणिज्य
.
You can follow any responses to this entry through the RSS 2.0
