कतारमा एकजुट चितवनबासी

फाल्गुन १८ - कतारका विभिन्न सहरमा रोजगारी गरिरहेका चितवनबासी एकजुट बनेर आफनो जिल्लाका स्वास्थ्य र शिक्षा क्षेत्रमा सहयोग पुर्याइरहेका छन । एघार बर्ष अघि १३ जनाले गठन गरेको चितवन यूवा समुह दोहो–कतारमा अहिले ३ हजार जिल्लाबासी सदस्य बनेका छन । अहिले संस्थाले त्यहां पुगेर दुख पाउने नेपालीको उद्धार, परस्पर सहयोगका साथै आफनो जिल्लामा सामाजिक बिकासलाई तिव्रता दिएको जनाएको छ । संस्थाले नेपाली कार्यरत कम्पनी चाहर्दै सदस्यता बढाउने अभियान चलाएको छ । संस्थाका उपाध्यक्ष भूमिराज कार्कीका अनुसार कतारमा अहिले १० हजार भन्दा बढी चितवनबासी कार्यरत रहेको छन । संस्थाले सहयोग जुटाउन बार्षिक रुपमा ‘चितवन धमाका’ आयोजना गर्दै आएको छ । कार्यक्रमबाट जुटाएको रकमले पहाडी गाबिस काउलेको हात्तीबांङ स्थित राष्ट्रिय माविलाई १ लाख ५० हजार सहयोग गरेका छन । भवन निर्माणका लागि दिव्यनगर स्थित यूवा माबिलाई १ लाख ५१ हजार सहयोग गरेको कार्कीले जनाए । माडीमा एम्बुलेन्स र भण्डारामा खानेपानीका लागि सहयोग गरिसकेका छन । कार्कीका अनुसार कतारमा सदस्यले नियमित रुपमा ‘विच क्लिन’ र रक्तदान आयोजना गर्दै आएका छन । संस्थाले कतारमा पुगेर बेवारिसे भएकालाई खानपिन र बसोबासको व्यवस्था गर्दै आएको छ ।

Posted by Arghakhanch Online on 3:16 AM. Filed under News, विश्व समाचार . You can follow any responses to this entry through the RSS 2.0