संसदमा गाइ मार्न माग
News, राष्ट्रिय समाचार 8:42 PM
३० फागुन,संविधान लेखनको क्रममा सभासद्पिच्छे नयाँ नयाँ माग आइरहेका बेला संसदको विधायन समितिमा पनि ऐन कानुन संशोधनको विषयलाई लिएर निकै चर्काचर्की सुरु भएको छ ।
मुलुकी ऐन खारेज गरेर फौजदारी तथा देवानी मुद्दा सम्बन्धी ऐन निर्माणको क्रममा सभासद्हरुबीच चर्काचर्की भएको हो । विधायन समितिमा रहेको फैजदारी कसुर सम्बन्धी प्रचलिन कानुनलाई संसोधन र एकिकरण गर्न बनेको विधयेकको विषयलाई लिएर केही सभासद्हरु आक्रोसित बनेका छन् ।
विधयेकमा रहेको चौपाया सम्बन्धी कसुरमा गाइगोरु मार्नेलाई सजायको व्यवस्था गरिएको छ । कसैले गाइ वा गोरु मारेमा तीन वर्षसम्म कैद सजाय हुने व्यवस्था गरिएको छ भने कुटेर अंगभंग गराएमा ६ महिनासम्म कैदको व्यवस्था गरिएको छ । यहीँ सजायँको विषयलाई लिएर सभाषदहरुबीच चर्काचर्की भएको आजको दृष्टि साप्ताहिकमा खबर छ ।
खासगरी जनजाती सभाषद्हरुले गाइ मार्नेलाई कारवाही गर्न नहुने भन्दै विधायन शाखामा संसोधन प्रस्ताव पेश गरेका छन् । गाइलाई हिन्दु धर्मसँग जोड्दै जनजाती सभासदले अरु धर्म मान्नेले गाइ मार्न पाउनुपर्ने जिकिर गरेका छन् ।
तर गाइ हिन्दु धर्मको पवित्र जनावर मात्र नभएर राष्ट्रिय जनावर पनि भएकाले त्यसको संरक्षण गर्नुपर्ने भन्दै गाइ मार्नेलाई कारवाहीको व्यवस्था गरिएको अन्य सभासदको भनाइ छ ।
झण्डै ८० जना जनजाती सभासदहरुले गाइगोरु मार्नेलाई कारवाही गर्ने व्यवस्था हटाउन संसोधन दर्ता गरेपछि अरु सभासदले त्यसमा व्यंग गर्दै उनीहरुले संसदमा गाइ काट्न पाउनुपर्ने माग गरेका बताउन थालेका छन् ।
Posted by Arghakhanch Online
on 8:42 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
