शिक्षक आन्दोलनका कारण बन्द विद्यालय आजदेखि खुले

१६ फागुन, काठमाडौँ । शिक्षकहरुको आन्दोलनका कारण लगातार दुई दिनसम्म बन्द रहेका मुलुकभरका निजी तथा सामुदायिक विद्यालय आजदेखि खुलेका छन् ।

सरकारलाई नैतिक दबाब दिन भन्दै शनिबार विद्यालय खोलेका शिक्षकहरुले आइतबार पठनपाठन ठप्प पारेर प्रर्दशनमा उत्रिएका थिए । आइतबारको प्रर्दशन र घेराउका क्रममा आफूहरुमाथि दुव्र्यवहार भएको भन्दै शिक्षकहरुले सोमबार पनि मुलुकभरका निजी तथा सामुदायिक विद्यालयको पठनपाठन ठप्प पारेका छन् । नेपाल शैक्षिक गणतान्त्रिक मञ्च र शिक्षक युनियन आवद्ध विभिन्न शिक्षक संगठनको आहृवानमा शिक्षकहरु आन्दोलित भएका हुन्।अस्थायी शिक्षकलाई प्रक्रिया पुर्‍याएर स्थायी गरिनुपर्ने, राहत दरबन्दीलाई स्थायी दरबन्दीमा कायम गरिनुपर्ने तथा बालविकास सहयोगी कार्यकार्तहरुको तलब वृद्धि गर्नुपर्नेलगायतका ३५ सुत्रीय माग अघि सारेर शिक्षकहरु ‘निर्णायक’चरणको आन्दोलनमा उत्रिएका हुन् ।

शिक्षा मन्त्रालयले भने शिक्षक सेवा ऐनमा संशोधन नगरी शिक्षकहरुको माग पूरा गर्न नसकिने स्पष्ट गर्दै आएको छ । ऐन संशोधनको प्रक्रिया अघि बढाउने तयारी भइरहेको मन्त्रालयको भनाइ छ ।

सम्बन्धित पोस्ट हरु : News, राष्ट्रिय समाचार