खुकुरीले रेटेर हत्या हत्या

नुवाकोट जिल्लाको नर्जामण्डपमा वडा नं ९ छाप गैरीगाउँमा ४८ वर्षीय शेरबहादुर तामाङको हत्या भएको छ । घरमा एक्लै भएका बेला खुकुरीले रेटेर हत्या भएको अवस्थामा आज बिहान शव भेटिएको जिल्ला प्रहरी कार्यालय नुवाकोटले जनाएको छ ।

हत्या कसले र किन ग-यो भन्ने खुल्नसकेको छैन । राति घरबाहिर पिढीको खाटमा सुतिरहेको अवस्था हत्या भएको बताइएको छ ।

मृतक तामाङकी श्रीमती लच्याङ गाविसमा गएको र  जेठोछोरा काठमाडौँ, माइलो र साहिलोछोरा मलेसिया तथा कान्छोछोरो भारततिर रहेकाले पैसाको लोभमा एक्लै भएको अवस्थामा उहाँको हत्या भएको हुनसक्ने स्थानीय युवा विकास घलानले बताउनुभयो ।

मृतक तामाङको मृत शरीर घरको पिढीमा रहेको खाटमा रगतपक्ष अवस्थामा भेटिएको बताइएको छ । घटनास्थल सदरमुकाम विदुरबाट ३० किलोमिटर उत्तरपूर्वमा पर्दछ ।