१३ विद्यार्थी संगठले आन्दोलन घोषणा गर्दै
News, राष्ट्रिय समाचार 11:53 PM
१६ फागुन, काठमाडौँ । पेट्रोलियम पदार्थमा गरिएको मूल्य वृद्धि फिर्ता लिन २४ घण्टे अल्टिमेटम दिएका १३ विद्यार्थी संगठनले आज आन्दोलनका कार्यक्रम सार्वजनिक गर्दैछन् ।
आन्दोलनको कार्यक्रम तय गर्न राजधानीको बिजुलीबजारस्थित तराई मधेस लोकतान्त्रिक विद्यार्थी फ्रन्टको कार्यालयमा १३ विद्यार्थी संगठनको संयुक्त बैठक बस्दैछ । यसअघि हिजो बसेको १३ विद्यार्थी संगठनको बैठकले मूल्वृद्धिका सम्बन्धमा २४ घण्टाभित्रमा पुनर्विचार नगरिए आन्दोलनमा उत्रने चेतावनी दिएको थियो । मध्याहृन १२ बजेपछि बस्ने बैठकले माग पूरा गर्न दबाबमुल कार्यक्रम सार्वजनिक गर्ने नेपाल विद्यार्थी संघका अध्यक्ष रञ्जित कर्णले अनलाइनखबरलाई जानकारी दिनुभयो ।
कर्णका अनुसार विद्यार्थी संगठनहरुले यसअघिको जस्तो सडक जाम र क्याम्पस बन्दको कार्यक्रम भने गर्ने छैनन् । ‘हामी विगतमा जस्तो सडकमा टायर बाल्ने र क्याम्पस बन्द गरेर जनतालाई दुःख दिने काम गर्दैनौँ’, कर्णले भन्नुभयो, ‘सरकारले यसअघि प्रतिबद्धता जनाएअनुसार विद्यार्थी र गरिब जनतालाई पेट्रोलियम पदार्थमा सहुलित प्रदान गर्न नैतिक दबाब सिर्जना गर्ने खालका कार्यक्रम ल्याउँछौँ ।’ कर्णले आपूर्तिमन्त्री र सचिव तथा नेपाल आयल निगमका महाप्रबन्धकको गाडी सडकका गुड्न नदिने तथा उनीहरुलाई कार्यकक्षमा काम गर्न नदिने र घर घेराउसम्मको कार्यक्रम ल्याइने बताउनुभयो । अन्तर्राष्ट्रिय बजारमा भएको मूल्य वृद्धि र आन्तरिक घाटा देखाउँदै नेपाल आयल निगमले शुक्रबारदेखि पेट्रोल, डिजेल, मट्टतिेल र आन्तरिकतर्फको हवाई इन्धनमा प्रतिलिटर ४/४ रुपैयाँका दरले मूल्यवृद्धि गरेको थियो । सरकारले गत माघ पहिलो साता गरेको मूल्य वृद्धि १३ विद्यार्थी संगठनको आन्दोलनका कारण फिर्ता लिएको थियो ।
यसैबीच नेपाल विद्यार्थी संघले एक साताभित्रमा स्वतन्त्र विद्यार्थी संगठनको निर्वाचन मिति घोषणाको माग गर्दै त्रिभुवन विश्वविद्यालयअन्तर्गत उपकुलपति कार्यालय घेराउ गर्दैछ । अध्यक्ष कर्णले अपराहृन २ बजे उपकुलुपतिको कार्यालय घेरा उगर्न लागिएको जानकारी दिनुभयो ।
Posted by Arghakhanch Online
on 11:53 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
