बुटवल मा सबारी दुर्घटना मा परि दुइ को मृत्यु भएको छ
News, राष्ट्रिय समाचार 3:20 AM
चैत ६ टिप्परको ठक्करबाट आज बुटवलमा २ जनाको मृत्यु भएको छ । मृत्यु हुनेमा बुटवल चादबारी घरभई जिल्ला वन कार्यालय रुपन्देहीमा कार्यरत अधिकृत दिलिप न्यौपाने र लेखापाल बुटवल देवीनगरका नवराज श्रेष्ठ रहेको इलाका प्रहरी कार्यालय बुटवलले जनाएको छ । बुटवलबाट भैरहवा जाँदै गरेको लु ५ प २३४० नम्बरको मोटरसाइकललाई सोही दिशाबाट आइरहेको लु १ ख ३९६० नम्बरको टिप्परले बिहान पौने १० बजे मिलनचोकमा ठक्कर दिएको थियो ।
दुबै जनाको घटनास्थलमै ज्यान गएको पश्चिम क्षेत्रीय ट्राफिक प्रहरी कार्यालय बुटवलले जनाएको छ । सडकमा रहेको खाल्डोका कारण मोटरसाइकलले गति कम गरेको अवस्थामा तीब्र गतिमा रहेको टिप्परले हान्दा मोटरसाइकलमा सवार दुबै जनाको ज्यान गएको प्रत्यक्षदर्शीहरुले बताएका छन् । ठक्कर दिने टिप्पर र चालकलाई प्रहरीले नियन्त्रणमा लिई अनुसन्धान सुरु गरेको छ । source saharasansar
Posted by Arghakhanch Online
on 3:20 AM.
Filed under
News,
राष्ट्रिय समाचार
.
You can follow any responses to this entry through the RSS 2.0
