बेलायती पुरस्कारको अन्तिम सूचीमा नेपाली
News, प्रवास समाचार 9:29 PM
१२ चैत, अंग्रेजी भाषामा समस्या भएका नेपालीलाई सरकारी लगायत बिभिन्न काममा सेवा पुर्याउने कुचीकार पुष्पा गुरुङ बेलायतको एक राष्ट्रिय पुरस्कारका लागि अन्तिम सूचीमा परेकी छन् ।
उनलाई जिम्मेवारीभन्दा थप काम गरेर समाजसेवामा योगदान पुर्याएको भन्दै राष्ट्रिय पुरस्कारका लागि छानिएको हो । पुष्पासहित अन्य पाँच जना अन्तिम सूचीमा छानिएका छन् । पुरस्कारको घोषणा मे १ तारिखमा हुने छ ।
गुरुङले कुचीकारको नियमित जिम्मेवारीबाहेक बृद्धबृद्धा नेपालीभाषीका लागि दोभाषे, नागरिक सल्लाह बिभागमा स्वंसेवक तथा सामुदायिक रेडियोमा समाचारवाचकको जिम्मेवारी निर्वाह गर्दै आएकी छन् ।
दुई सन्तानकी आमा ४२ बषिर्य गुरुङलाई औद्योगिक पत्रिका ‘इनसाइट हाउजिङ’ले राष्ट्रिय पुरस्कारमा सुचित गरेको आजको नागरिक दैनिकले छापेको छ । पुष्पाले नेपालीका लागि अत्यावश्यक दस्तावेज तथा चिठी अनुवाद गर्दै आएकी छन् । पोखरामा बिद्यालय शिक्षिकाका रुपमा काम गरेकी गुरुङ पाँच बर्षअघि बेलायत पुगेकी हुन् ।
Posted by Arghakhanch Online
on 9:29 PM.
Filed under
News,
प्रवास समाचार
.
You can follow any responses to this entry through the RSS 2.0
