चुरोट रक्सी खाने किशोरकिशोरी सधै दुखी
News, सूचना प्रबिधि 9:11 AM
यद्यपि धूमपान तथा मद्यमान गर्ने मानिस अरु साधारण मानिसभन्दा सारीरिक रुपमा कमजोर हुने र विभिन्न रोगको सिकार बन्ने कुरा सर्वविदितै छ ।
तर चुरोट र रक्सी खाने कोहीकोही मान्छेले निकै ठूलो शान देखाएको हेर्दा कसैलाई भ्रम पर्न सक्छ की चुरोट र रक्सी खाने मानिसको इज्जत बढ्दो रहेछ र ऊ निकै खुसी हुँदो रहेछ ।
तर यो भ्रमण झुटो सावित भएको छ । एक अध्ययनले धूमपान तथा मद्यमान गर्ने मानिस यस्ता चिज सेवन नगर्ने मानिस भन्दा सधै बेखुसी र दुखी हुने देखाएको छ ।
खासगरी किशोरकिशोरीलाई लक्षित गरी गरिएको अध्ययनले चुरोट तान्ने, रक्सी खाने तथा अन्य जंकफुड खाने किशोरकिशोरी सात्विक भोजन गर्ने मानिस जस्तो हाँसीखुसी रहन नसक्ने अध्ययनको निष्कर्ष छ ।
झण्डै ५ हजार किशोरकिशोरी, उनीहरुका परिवार, साथीसँगी तथा विद्यालयमा समेत गएर उनीहरुको खुसीपनाको बारेमा सोधिएका प्रश्नको आधारमा उक्त निष्कर्ष निकालिएको हो ।
अध्ययनको क्रममा रक्सी खाने किशोरकिशोरी भन्दा रक्सी खाँदै नखानेहरुको जिवनमा खुसीका पलहरु ६ गुणा बढि पाइए ।
त्यस्तै धूमपान गर्ने भन्दा नगर्नेहरु ५ गुणा बढि खुसीसाथ जिएको पाइयो ।
बेलायतको इसेक्स विश्वविद्यालयले गरेको यस अध्ययनले परिवारको खराब आर्थिक अवस्था तथा किशोरकिशोरीको आफ्नै कमजोर मानसिक अवस्थाका अलवा धूमपान तथा मद्यमान किशोरकिशोरीको खुसी खोस्ने मुख्य कारक रहेको निष्कर्ष निकालेको छ ।
Posted by Arghakhanch Online
on 9:11 AM.
Filed under
News,
सूचना प्रबिधि
.
You can follow any responses to this entry through the RSS 2.0
