न्यायाधिशले मालिस गर्न लगाए महिला कर्मचारीलाई
News, विचित्रसंसार 9:24 PM
रक्षक नै भक्षक भन्ने उखानै छ । सायद कोहीकोही मान्छेको चरित्रको कारण यो उखानको उत्पत्ति भएको होला । पछिल्लोपटक यहीँ कुरालाई प्रमाणित गरेका छन् भारतका एकजना न्यायधिशले । न्यायमूर्ति भनिने न्यायाधिश आफैले अदालतकी एक महिला कर्मचारीलाई जिउमा मासिल गर्न लगाएको घटना हालै सार्वजनिक भएको छ ।भारतको अमृतसर अदालतका एकजना न्यायाधिसले यस्तो कृत्य गरेको घटना सार्वजनिक भएको हो । हिरा सिंह नामका ती न्यायाधिसले आफुलाई घरमा लगी जिउमा मालिस गराउने गरेको र अह्राएबमोजिम नगरे जागिर खाइदिने धम्की दिने गरेको भन्दै अदालतकी कर्मचारी अनिता सेठले हालै पंजाब र हरियाणा उच्च अदालतमा रिट दायर गरेकी छिन् । आफुलाई ती न्यायाधिशले यौनिक तथा मानसिक रुपले हिंसा गरेको दाबी ती महिलाको छ ।पीडित महिलाले अदालतमा कर्मचारीको रुपमा नियुक्त भएलगत्तै न्यायाधिशले आफुलाई घरेलु कामदारको रुपमा आफ्नै घर लगेको र घरमा लगी जिउ मालिस गर्न लगाएको बताएकी छिन् । न्याधिशले मात्र नभएर उनकी श्रीमतीले समेत आफुलाई यौन हिंसा गर्ने गरेको र पटकपटक यातना दिएको पीडित सेठको दाबी छ ।पीडित महिलाको मुद्धामा सुनुवाई गर्दै उच्च अदालतले अभियुक्त न्यायाधिश विरुद्ध कारण देखाउ आदेश जारी गरेको छ ।Source onlinekhabar
Posted by Arghakhanch Online
on 9:24 PM.
Filed under
News,
विचित्रसंसार
.
You can follow any responses to this entry through the RSS 2.0