आफुलाई इतिहासकै सबैभन्दा मोटी महिला बनाउने अभियान पूरा
News, विचित्रसंसार 8:45 PM
मान्छेका रुची पनि बेग्लाबेग्लै हुन्छन् । यो दुनियामा धेरै मानिसलाई आफु मोटाएको चिन्ता छ र दुब्लाउन वा स्लिम बन्न डाइटिङ तथा व्यायाम गरिरहन्छन् । तर यहीँ धर्तीमा यस्ता मनुष्य पनि छन् जो विश्वकै सबैभन्दा मोटो मान्छे बन्नका लागि अनेक जुक्ति लगाउँछन् ।
अमेरिकाको एरिजोनामा बस्ने सुसैन एमान नामकी महिलाले अहिले विश्वकै सबैभन्दा मोटी महिला हुन् । उनको तौल ३ सय ३० किलो छ । तर उनलाई यति तौलले पनि चित्त बुझेको छैन । उनी यो धर्तीमा भविष्यमा पनि तौलको मामिलामा आफुलाई कसैले नजितुन् भन्ने चाहन्छिन् । त्यसैले उनले आफ्नो तौल ७ सय ३० किलो बनाउने योजना बनाएकी छिन् र सो योजना पूरा गर्न उनले अनौठो जुक्ति निकालेकी छिन् ।
आफुलाई इतिहासकै सबैभन्दा मोटी महिला बनाउने अभियान पूरा गर्न उनले होटलमा काम गर्ने पुरुषसँग बिहे गर्ने निर्णय गरेकी छिन् । होटलमा शेफको काम गर्ने पारकर क्लार्क नामका पुरुषसँग बिहे गर्ने निर्णय उनले यसकारण गरेकी हुन् की बिहेपछि उनले आफ्नो तौल झण्डै एक टन बनाउनका लागि प्रसस्त खानेकुरा खान पाउन् । आफ्नो भविष्यको श्रीमान पारकर खाना पकाउन निकै सिपालु रहेको र आफुलाई पर्याप्त खाना उपलब्ध गराउन सक्ने भएकाले आफुहरुको जोडी भगवानले स्वर्गमै बनाइदिएको सुसैनले बताइन् ।
आफुलाई दुनियाकी इतिहासमै मोटी महिला बनाउनका लागि पारकरले खाना खुवाएर योगदान पूराउने उनको भनाइ छ । यसअघिको श्रीमानबाट दुइ बच्चा जन्माइसकेपनि अहिले एक्लै रहेकी सुसैनले दिनमा २० हजार क्यालोरी बराबरको खाना खाने गरेकी छिन् ।
Posted by Arghakhanch Online
on 8:45 PM.
Filed under
News,
विचित्रसंसार
.
You can follow any responses to this entry through the RSS 2.0
