विदेशी जेलमा रहेका नेपालीलाई स्वदेशी जेलमा सार्ने तयारी
News, राष्ट्रिय समाचार 10:21 PM
१९ फागुन । वैदेशिक रोजगारीलाई व्यवस्थित गर्दै यस क्षेत्रबाट हुने आर्थिक तथा गैरआर्थिक लाभबाट गरिबी निवारण गर्ने योजनाका साथ सरकारले पहिलोपटक वैदेशिक रोजगार नीति ल्याएको छ ।
वैदेशिक रोगजार ऐन, नियमावली र कार्यविधि यसअघि बने पनि यिनीहरुलाई निर्देशित गर्ने नीति हालै मात्र मन्त्रिपरिषद्ले पारित गरेको हो । नयाँ र तत्काल परिवर्तन गर्ने कुनै पनि कार्यक्रम नभए पनि नीतिले यस क्षेत्रको सुधारमा आवश्यक प्रायः विषय समेटेको छ । नीतिले अन्तर्राष्ट्रिय श्रम बजारको पहिचान गर्ने, नेपाली जनशक्तिलाई देशभित्र र बाहिर प्रतिस्पर्धी बनाउँदै वैदेशिक रोजगारको अधिकतम लाभ लिने व्यवस्था गरेको छ । नीतिमा वैदेशिक रोजगारलाई सरल, पारदर्शी भरपर्दो, व्यवस्थित र सुरक्षित बनाउने उल्लेख छ ।श्रम बजारमा महिला कामदारका सरोबारलाई सम्बोधन गर्दै समग्र आप्रवासन चक्रमा उनीहरुको अधिकारलाई सुनिश्चत गर्ने व्यवस्था नीतिमा छ । गन्तव्य मुलुकमा द्विपक्षीय श्रम सम्झौता गर्ने, वैदेशिक रोजगारीको प्रबर्द्धनमा नेपाली नियोगलाई परिचलान गर्ने श्रम सहचारीको श्रमता अभिवृद्धी गर्ने व्यवस्था नीतिमा छ । आजको कान्तिपुर दैनिकमा छापिएको समाचारमा लेखिएको छ, यस्तै नीतिमा विभिन्न मुलुकका जेलमा रहेका नेपालीलाई स्वदेशी जेलमा बाँकी सजाय काट्ने गरी स्थान्तरणका लागि सम्झौता गर्ने पनि नीतिमा छ ।
Posted by Arghakhanch Online
on 10:21 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
