मलेसियाको पेनाङमा अलपत्र परेका ३० नेपाली श्रमिकलाई मलक्का पुर्याइयो
News, प्रवास समाचार 8:56 PM
८ चैत, , एक महिनादेखि मलेसियाको पेनाङमा अलपत्र परेका तीस नेपाली कामदारहरुलाई मलेसिया सरकारले पेनाङवाट मलक्का पुर्याएको छ । मलेसिया सरकारले इमिग्रेसनका अधिकारीहरुका साथ सोमवार मध्य रातमा मलक्का पुर्याएको हो । इमि्रगेशनका अधिकारीहरुले चौध दिनसँगै वस्नु पर्ने र त्यसपछि मात्रै के कस्तो हुन्छ भन्न सकिने वताउदै आएका छन् । तर नेपाली श्रमिकहरु भने किन आफु चौध दिन वस्नु पर्ने हो थाहा पाउन सकेका छैनन् । उनीहरुसंगै तीन जना पुरुष भियतनामि श्रमिकहरु पनि रहेका छन् ।
महिला भियतनामि श्रमिकहरुलाई भने क्वालालम्पुरमा राखिएको छ । एक महिनादेखि अलपत्र परेको थाहा पाएपछि मलेसियाको इमि्रगेशन कार्यालयले आइतवारदेखि उनीहरुको सोधिखोजी सुरु गरेको थियो । सोमवार दिनभरी पुलाउ पेनाङमा नेपाली श्रमिकहरु तथा भियतनामिहरु इमि्रगेशन कार्यालयमा रहेका थिए । त्यहाँ उनीहरुको पासपोर्टको वारेमा जानकारी लिने काम भएको पिडीत कृष्ण श्रेष्ठले अनलाइनखवरलाई जानकारी दिए । मलेसियामा रहेको आस्माना एसडिएन विएचडि कम्पनीका लागि नेपालवाट अल्फा सिग्मा मेनपावरले दुईपटक गरी ५८ जना नेपाली श्रमिकहरुलाई क्लिनर कामको लागि मलेसिया पठाएको थियो ।
आस्मानाले आफुले ल्याएका श्रमिकहरुलाई फेवर भन्ने कम्पनीमा क्लिनरको लागि एक वर्षको सम्झौता गराई काममा लगाएको थियो । सम्झौताको भ्याद एक महिना अगाडि -फेवु्रअरी २०) मा सकिएपछि उनीहरु अलपत्र परेका हुन् । सम्झौता सकिनेमा ६९ जना भियतनामि समेत रहेका छन् । पेनाङमा रहेको विभिन्न आठवटा अस्पतालमा अन्य २८ जना नेपालीहरुले पनि काम गरिरहेका छन् । नेपालवाट सवै श्रमिकलाई एउटै कम्पनी र एउटै कामको लागि भन्दै दैनिक एघार घण्टाको मासिक ९सय ७१ रिगेट पाउने बताएपनि मलेसियामा भने उनीहरुले आठ सय ५० रिगेट मात्रै पाउने गरेको पिडितहरुले बताएका छन् । अलपत्र परेका उनीहरु एक महिना सम्म साथी-भाईको सहयोगले वाचेको बताउदै आएका छन् । एक श्रमिकले भने कम्पनीले १५ जनाको लागि हप्तामा २० किलो चामल दिएको थियो । त्यतिले कसरी वाच्यौ होला तपाईहरु आफै कल्पना गर्नुस उनले भने ।
लामो समयदेखि उनीहरुको भिषा समेत नविकरण भएको छैन । नेपाली दुतावासका श्रम सहचरी अमल किरण ढकालका अनुसार मलेसियामा वस्न चाहनेहरुलाई पुरानै सेवा र शर्तमा एनएस मेविक भन्ने कम्पनीले राख्न चाहिरहेको छ र त्यँहि अनुसार प्रकृया अगाडि वढिरहेको छ । ढकालले भन्नुभयो,’ उहाँहरु चाडै वैधानिक हुनुहुनेछ । यसमा मलेसियाको सरकार पनि गम्भीर भएर लागेको ढकालको भनाई छ । ढकालले भन्नुभयो,’हाम्रा श्रमिकहरुको तीन वर्षको करार अवधि सकिएको छैन । श्रमिकहरुले भिषा अनुमति र श्रम अनुमति नपाउनु भएको हो त्यो हामी दिलाउने छौ ।’
अलपत्र परेका मध्ये केही नेपालीहरु श्रमिकहरु नेपाल जाने मनस्थितिमा पुगेका छन् । उनीहरुले भने,’यस्तो अन्यौलपुर्ण अवस्थामा कसरी वस्नु । राम्रो भन्दा भन्दै त यस्तो भयो अव कसरी वस्न सकिन्छ होला ।’ आस्मान कम्पनी पनि पुर्णरुपमा नेपाली श्रमिकहरुप्रति नकारात्मक नभएको केही श्रमिकहरु बताउछन् । उनीहरु भन्छन् हामीलाई अलपत्रै पार्यो भन्ने पनि छैन तर एक महिनाको तलव पाएका छैनौ । मरी मरी काम गर्यो अहिले यो अवस्था छ हामी हाम्रो पारिश्रमिक चाहन्छौ । सवै श्रमिकहरुको एउटै आवाज छ । दुतावासले भने नेपाली श्रमिकहरुको पारिश्रमिकको विषयमा कम्पनीसंग छलफल गर्ने बताएको छ । आस्मान कम्पनीलाई मलेसियाको इमि्रगेशन कार्यालयले गरेका कामकारवाहिको वारेमा छानविन अगाडि वढाईरहको जानकारी आफुले पाएको श्रमसचहरी ढकालको भनाई छ ।
Posted by Arghakhanch Online
on 8:56 PM.
Filed under
News,
प्रवास समाचार
.
You can follow any responses to this entry through the RSS 2.0
