स्वर्गवासी नेतालाई लुम्बिनीमा सम्मान ! सरकारी खर्चमा प्रचण्डपुत्र सगरमाथा चढ्ने
News, राष्ट्रिय समाचार 1:19 AM
फागुन, १८ काठमाण्डौ । बाँचिञ्जेल जनताको गाली खाएका नेताहरु स्वर्गवास भएको बिसौं बर्षपछि लुम्बिनीमा सम्मानित हुँदैछन् । अनि आफ्ना दिवंगत अग्रजहरुलाई सम्मान गर्न सवै पार्टीका शीर्ष नेताहरु पनि आजै लुम्बिनी पुग्दैछन् ।
‘सगरमाथा शन्ति यात्रा-२०१२’को नाममा हुन लागेको यो तामझाममा सहभागी हुन प्रधानमन्त्री डा. बाबुराम भट्टराईसहित प्रमुख दलका शीर्ष नेता आज लुम्बिनी जाँदैछन् ।
माओवादी केन्द्रीय सदस्य कृष्ण केसीको अगुवाइमा सुरु हुन लागेको अभियान उद्घाटनका समारोहमा सहभागी हुन प्रधानमन्त्री डा. बाबुराम भट्टराई, माओवादी अध्यक्ष प्रचण्ड र काँग्रेस सभापति शुसील कोइराला सहभागी हुनुहुनेछ । आफूहरुले एमाले अध्यक्ष झलनाथ खनाललाई पनि निमन्त्रणा गरे पनि आसन्न राष्ट्रिय प्रतिनिधि परिषद् भेलाको तयारीका लागि बस्ने स्थायी समिति बैठकमा बस्नुपर्ने भएकाले आउन नभ्याउने जानकारी आएको अभियान संयोजक कृष्ण केसीले अनलाइनखबरलाई जानकारी दिनुभयो ।
केसीका अनुसार कार्यक्रममा दिवंगत नेताहरु पुष्पलाल श्रेष्ठ, गिरिजाप्रसाद कोइराला र मदन भण्डारीलाई सम्मान गरिने छ । यस्तै माओवादी अध्यक्ष प्रचण्डलाई समेत सम्मान गर्ने कार्यक्रम रहेको आयोजकले जनाएको छ । कार्यक्रमको औपचारिक सुरुआत आजदेखि भए पनि टोली आगामी चैत १६ गते काठमाडौँबाट सगरमाथाका लागि प्रस्थान गर्ने कार्यक्रम छ ।
टोलीमा कृष्ण केसी, माओवादी लडाकुका डिजिभन सहायक कमाण्डर युवराज दुलाल, बि्रगेड कमाण्डर सरल सहयात्री पौडेल, माओवादी अध्यक्ष प्रचण्डका पुत्र साकार (प्रकाश) दाहाल, फोटो पत्रकार दिनेश श्रेष्ठ, पूर्वविद्यार्थी नेता शिव डाँगी, अलिख क्रन्तिकारीकी केन्द्रीय सदस्यद्वय बिना मगर र अखिल नेपाल किसान संघ क्रान्तिकारीका केन्द्रीय सदस्य महेश्वर फुयाँललगायत ११ जनाको टोली सहभागी हुनेछ । टोलीको ६६ दिनमा सगरमाथाको आरोहण गरी काठमाडौँ र्फकने योजना छ ।
अधिकांश माओवादी कार्यकर्ता सहभागी हुने यो कार्यक्रमका लागि करिव ३ करोड खर्च लाग्ने छ । माओवादी अध्यक्ष प्रचण्डकै छोरा सहभागी हुने हुँदा यो रकम सरकारी कोषबाटै खर्च गर्न माओवादी नेतृत्वले सरकारलाई दबाब दिइरहेको छ ।
Posted by Arghakhanch Online
on 1:19 AM.
Filed under
News,
राष्ट्रिय समाचार
.
You can follow any responses to this entry through the RSS 2.0
