ठूलो मात्रामा हतियार लिएर फरार भएका प्रहरी जवानलाई सप्तरीमा पक्राउ
News, राष्ट्रिय समाचार 1:50 PM
फाल्गुन १९, राजविराज, सगरमाथा - सशस्त्र प्रहरी बलमा कार्यरत रहँदा ठूलो मात्रामा हतियार लिएर फरार भएका एक प्रहरी जवानलाई सप्तरी प्रहरीले पक्राउ गरेको छ ।
राजविराजबाट ना४ख ३४९ नं. को न्यु आयुष बसमा काठमाडौं जाँदै गरेका सप्तरीको फर्सेठ�३ का श्यामनारायण यादवलाई प्रहरीले पक्राउ गरी बिहीबार सार्वजनिक गरेको हो ।
जिल्ला प्रहरी कार्यालय सप्तरीबाट खटिएको विशेष टोलीले हिजोराति सप्तरीको कुशहास्थित कडरबोनाबाट यादवसहित सरकारसँग वार्ताका लागि जाँदै गरेका अखिल तराई मुक्ति मोर्चा (अजित समूह) का अन्य तीन जनालाई समेत नियन्त्रणमा लिएको थियो ।
नियन्त्रणमा लिइएका अजितले नेतृत्व गरेको मोर्चाका अध्यक्ष अजित भन्ने अजय यादव, हरेराम यादव र सुनिल यादवलाई आजै रिहा गरिएको छ ।
एसएलआर राइफल नाल दुई थान, सोमा लाग्ने गोली ५० राउन्ड र दुई थान म्याग्जिनसमेत साथ लिई पाँच वर्ष अघि फरार भएका यादव त्यसपछि सशस्त्र समूहमा संलग्न भएका थिए ।
नियन्त्रणमा रहेका श्यामनारायण यादवले हतियार अजितलाई दिएको स्विकारेका छन् । भगौडा यादवलाई सङ्गठनप्रति गरेको गैरकानुनी तथा कडा अपराधसम्बन्धी कसुर अपराध गरेको देखिएकाले आवश्यक कारबाहीका लागि बिहीबारै सुनसरीको पकलीस्थित पूर्व क्षेत्रीय सशस्त्र प्रहरी बल मुख्यालय बराह बाहिनी हस्तान्तरण गरिएको प्रहरी उपरीक्षक गणेशबहादुर थापाले जानकारी दिए ।
वार्ताको बहाना बनाई भगौडालाई चोख्याउने योजना बनाइरहेको बेला सुराकीका आधारमा उनलाई पक्राउ गरिएको बुझिएको छ ।
�रासस
Posted by Arghakhanch Online
on 1:50 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
