पुष्पकमल दाहालको निर्देशनमा प्रधानमन्त्री बाबुराम भट्टराईले काम गर्ने
News, राष्ट्रिय समाचार 9:27 PM
चैत ७- सभाषद् एवम् नेपाली काँग्रेसका केन्द्रीय सदस्य प्रदिप गिरीले एकिकृत नेकपा माओवादीका अध्यक्ष पुष्पकमल दाहालको निर्देशनमा प्रधानमन्त्री बाबुराम भट्टराईले काम गर्ने गरेको बताउँदै प्रधानमन्त्रीले आफ्नो विवेकमा काम गर्न नसकेको आरोप लगाउनुभयो ।
नेपाली काँग्रेस क्षेत्र नं ४ नवलपरासीले रामनगरको भुमहीमा आयोजना गरेको आमसभालाई सम्वोधन गर्दै नेता गिरीले संविधानसभाबाट माओवादीले जनसंविधान बनाउनको निम्ती ल्याएको प्रस्ताव अस्विकार गरेको त्यो काँग्रेसलाई कहिल्यै पनि मान्य नहुने बताउनुभयो ।
नेपाली काँग्रेस क्षेत्र नं ४ नवलपरासीले रामनगरको भुमहीमा आयोजना गरेको आमसभालाई सम्वोधन गर्दै नेता गिरीले संविधानसभाबाट माओवादीले जनसंविधान बनाउनको निम्ती ल्याएको प्रस्ताव अस्विकार गरेको त्यो काँग्रेसलाई कहिल्यै पनि मान्य नहुने बताउनुभयो ।
उहाँले काँग्रेसमा सत्ताको मोह नरहेको र नेपाली जनताको अनुकुल बन्ने संविधानमा माओवादीलाई काँग्रेसले सधै सहयोग गर्ने बताउनुभयो ।
शान्ति प्रक्रिया पुरा गर्न माओवादीको सरकार असफल भएको बताउदै उहाँले जनताले चाहेको संविधान ल्याउन माओवादीले आलटाल गरेको आरोप पनि लगाउनुभयो ।
आमसभामा सभासद एवम् नेपाली काँग्रेसका युवा नेता गगन थापाले प्रधानमन्त्री भट्टराईको पद मात्र डाक्टर भएको बताउदै थापाले मुलुकको रोगका बारे उनी अनविज्ञ भएको टिप्पणी गर्नुभयो ।
श्री थापाले शासनको सामान्य नियम पनि वर्तमान सरकारले नमानेका कारण मुलुक दण्डहिनतातर्फ उन्मुख भएको बताउनुभयो ।
माओवादीले गरेको १२ बुद्धे समझदारी र चुनावी घोषणा अनुसार जनताको चाहना पुरा गर्न नसकेको र माओवादीले संविधान पनि बनाउन नचाहेको थापाको दाबी थियो ।
नेपाली काँग्रेस क्षेत्र नं ४ का सभापति गुणनिधि तिवारीको अध्यक्षतामा सम्पन्न आमसभामा नेपाली काँग्रेसका केन्द्रीय सदस्यहरु पदम नारायण चौधरी, मानबहादुर विश्वकर्मा, नवलपरासी जिल्ला सभापति देबेन्द्रराज कण्डेलले शान्ति र संविधानमा माओवादी गंभिर नभएकोमा जोड दिएका थिए ।
Posted by Arghakhanch Online
on 9:27 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
