लडाकुबाट उठाएको लेबीबाट वाइसिएललाई प्याकेज दिने तयारी गरेको छ
News, राष्ट्रिय समाचार 8:16 PM
फागुन २३- एकीकृत माओवादीले लडाकुबाट उठाएको लेबीबाट वाइसिएललाई प्याकेज दिने तयारी गरेको छ। अध्यक्ष पुष्पकमल दाहाल निवास लाजिम्पाटमा कमाण्डर र वाइसिएल नेतृत्वबीच लडाकुको लेबीबाट प्याकेज दिने सहमति भएको हो। स्वैच्छिक अवकास लिएका लडाकुलाई सरकारले रकम दिएपछि लडाकुबाट वाइसिएल बनेकाले रकम माग गरेका थिए। उनीहरूको माग अनुसार पार्टीले प्याकेज दिने निर्णय गरेको थियो। छलफलमा पार्टीले यसअघि गरेका निर्णय कार्यन्वयन गर्ने सहमति भएको छ। पार्टी हेडर्क्वाटर, डिभिजन कमान्डर, वाइसिएल नेतृत्व सहितको टोलीले २५ गते बैठक बसेर प्याकेजबारे निर्णय गर्ने तयारी भएको वाइसिएलका पूर्वमहासचिव दिलिप प्रजापतिले बताए। 'आर्थिक प्याकेजबारे छलफल गर्न २५ गते पुनः बस्दै छौं, २८ गतेबाट काम सुरु गर्ने निर्णय भएको छ', प्रजापतिले भने।
लडाकुबाट वाइसिएल बनेर कति पार्टी सम्पर्क बाहिर भएकाले उनीहरूको लगत लिने निर्णय भएको छ। माओवादी शान्ति प्रक्रियामा आएपछि लडाकुका कमान्डरसहित ३५ सय वाइसिएल बनेका थिए। उनीहरूलाई ब्यारेकमा राखेको भनी दलहरूबाट बारम्बार आलोचना आएपछि केही समयदेखि वाइसिएलले गतिविधि सञ्चालन गरेको छैन। अध्यक्ष दाहाल, स्थायी समिति सदस्य नेत्रविक्रम चन्द, पोलिटब्युरो सदस्य जनार्दन शर्मा, वाइसिएलका दिलिप प्रजापति, उमा भुजेल, आन्दोलनरत वाइसिएल प्रतिनिधिबीच भएको छलफलमा लडाकुबाट उठाएको रकमबाटै प्याकेज दिने सहमति छलफल भएको छ। 'के कति दिने भन्ने निर्णय भएको छैन। पहिले कति पार्टी सम्पर्कमा छन्, उनीहरूको तथ्यांक लिएर प्याकेजको बनाउने निर्णय भएको छ। २८ गतेबाटै त्यो कार्य सुरू हुन्छ,' प्रजापतिले भने। प्याकेजको रकम लडाकु र पार्टीमा उठेको लेबीबाटै दिने छलफल भएको थियो। 'निर्णयलाई पार्टीले व्यवहारिक रूपमा कार्यान्वयन गर्नु पर्छ। पार्टीमा लेबीबाट उठेको पैसा र पिएलएबाट उठेको रकम मिलाएर दिने भन्ने छ,' उनले भने, 'यो निर्णयले साथीहरू खुसी छन्।' प्याकेजसँगै पार्टीले विशेष सम्मानका साथ प्रमाणपत्र दिने निर्णय भएको छ। पूर्व लडाकु वाइसिएलले आर्थिक पारदर्शी, आर्थिक राहत, राजनीतिक बढुवा हुनुपर्ने भनी आन्दोलन घोषणा गरेको थियो। उनीहरूले नेताहरूको गाडीको चाबी खोस्ने, नेतृत्वको घर घेराउजस्ता कार्यक्रम राखेका थिए। पार्टी पदाधिकारीले उनीहरूको माग सम्बोधन गर्न प्रस्ताव लिन स्थायी समिति सदस्य चन्द र पोलिटब्युरो सदस्य शर्मालाई जिम्मा दिएको थियो। उनीहरूलाई १८ गते बस्ने स्थायी समिति बैठकमा पेस गर्ने गरी प्रस्ताव बनाउने जिम्मा दिइएको थियो। १८ गते बैठक बस्न नसकेकाले २५ गतेभित्र टुंग्याउने गरी छलफल भएको छ। चन्द र शर्मालाई वाइसिएलले उठाएका माग सम्बोधन गर्ने गरी प्रस्ताव लिन जिम्मा दिएपछि उनीहरूले आन्दोलन स्थगित गरेका थिए। 'छलफल सकारात्मक देखिएको छ। हामी आशावादी छौं, पार्टीले हाम्रोबारेमा ठिक निर्णय लिएको छ,' प्रजापतिले भने। पार्टीमा वाइसिएललाई सहायक संगठनका रूपमा लिइएको छ। युवाहरूको फोर्सलाई एकीकृत गरेर शारीरिक व्यायाम, सैद्धान्तिक प्रशिक्षण दिएर संगठित गरिएको वाइसिएल पार्टीको नजिक रहेर काम गर्छ। माओवादीले संविधान सभामा यही फोर्सलाई प्रयोग गरेको थियो। 'संविधान सभा चुनावमा ८ देखि १० लाखलाई सदस्यता दिएर परिचालन गरेका हौं,' वाइसिएल इन्चार्ज गणेशमान पुनले नागरिकसँग भने। अहिले पार्टी एकता प्रक्रियामा आएकाहरू समेत थपिएकाले सदस्य संख्या यकिन नभएको उनले बताए। 'चौतर्फी आलोचना भएपछि अहिले कहाँ कसरी परिचालन गर्ने भन्नेबारे यकिन छैन। एकता प्रक्रियामा आएका थपिएका छन्। अहिले अपडेट गरिएको छैन,' उनले भने।
लडाकुबाट वाइसिएल बनेर कति पार्टी सम्पर्क बाहिर भएकाले उनीहरूको लगत लिने निर्णय भएको छ। माओवादी शान्ति प्रक्रियामा आएपछि लडाकुका कमान्डरसहित ३५ सय वाइसिएल बनेका थिए। उनीहरूलाई ब्यारेकमा राखेको भनी दलहरूबाट बारम्बार आलोचना आएपछि केही समयदेखि वाइसिएलले गतिविधि सञ्चालन गरेको छैन। अध्यक्ष दाहाल, स्थायी समिति सदस्य नेत्रविक्रम चन्द, पोलिटब्युरो सदस्य जनार्दन शर्मा, वाइसिएलका दिलिप प्रजापति, उमा भुजेल, आन्दोलनरत वाइसिएल प्रतिनिधिबीच भएको छलफलमा लडाकुबाट उठाएको रकमबाटै प्याकेज दिने सहमति छलफल भएको छ। 'के कति दिने भन्ने निर्णय भएको छैन। पहिले कति पार्टी सम्पर्कमा छन्, उनीहरूको तथ्यांक लिएर प्याकेजको बनाउने निर्णय भएको छ। २८ गतेबाटै त्यो कार्य सुरू हुन्छ,' प्रजापतिले भने। प्याकेजको रकम लडाकु र पार्टीमा उठेको लेबीबाटै दिने छलफल भएको थियो। 'निर्णयलाई पार्टीले व्यवहारिक रूपमा कार्यान्वयन गर्नु पर्छ। पार्टीमा लेबीबाट उठेको पैसा र पिएलएबाट उठेको रकम मिलाएर दिने भन्ने छ,' उनले भने, 'यो निर्णयले साथीहरू खुसी छन्।' प्याकेजसँगै पार्टीले विशेष सम्मानका साथ प्रमाणपत्र दिने निर्णय भएको छ। पूर्व लडाकु वाइसिएलले आर्थिक पारदर्शी, आर्थिक राहत, राजनीतिक बढुवा हुनुपर्ने भनी आन्दोलन घोषणा गरेको थियो। उनीहरूले नेताहरूको गाडीको चाबी खोस्ने, नेतृत्वको घर घेराउजस्ता कार्यक्रम राखेका थिए। पार्टी पदाधिकारीले उनीहरूको माग सम्बोधन गर्न प्रस्ताव लिन स्थायी समिति सदस्य चन्द र पोलिटब्युरो सदस्य शर्मालाई जिम्मा दिएको थियो। उनीहरूलाई १८ गते बस्ने स्थायी समिति बैठकमा पेस गर्ने गरी प्रस्ताव बनाउने जिम्मा दिइएको थियो। १८ गते बैठक बस्न नसकेकाले २५ गतेभित्र टुंग्याउने गरी छलफल भएको छ। चन्द र शर्मालाई वाइसिएलले उठाएका माग सम्बोधन गर्ने गरी प्रस्ताव लिन जिम्मा दिएपछि उनीहरूले आन्दोलन स्थगित गरेका थिए। 'छलफल सकारात्मक देखिएको छ। हामी आशावादी छौं, पार्टीले हाम्रोबारेमा ठिक निर्णय लिएको छ,' प्रजापतिले भने। पार्टीमा वाइसिएललाई सहायक संगठनका रूपमा लिइएको छ। युवाहरूको फोर्सलाई एकीकृत गरेर शारीरिक व्यायाम, सैद्धान्तिक प्रशिक्षण दिएर संगठित गरिएको वाइसिएल पार्टीको नजिक रहेर काम गर्छ। माओवादीले संविधान सभामा यही फोर्सलाई प्रयोग गरेको थियो। 'संविधान सभा चुनावमा ८ देखि १० लाखलाई सदस्यता दिएर परिचालन गरेका हौं,' वाइसिएल इन्चार्ज गणेशमान पुनले नागरिकसँग भने। अहिले पार्टी एकता प्रक्रियामा आएकाहरू समेत थपिएकाले सदस्य संख्या यकिन नभएको उनले बताए। 'चौतर्फी आलोचना भएपछि अहिले कहाँ कसरी परिचालन गर्ने भन्नेबारे यकिन छैन। एकता प्रक्रियामा आएका थपिएका छन्। अहिले अपडेट गरिएको छैन,' उनले भने।
Posted by Arghakhanch Online
on 8:16 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
