नाम मिल्दा देवराज हैरान
News, राष्ट्रिय समाचार 10:26 PM
फागुन १९ राजधानीको बबरमहलमा बम विस्फोट गराउने संयुक्त जातीय मुक्तिमोर्चाका देवराज लामासँग नाम मिल्दा काभ्रे, भीमखोरी- ३, भैंसेका देवराज लामा यतिखेर हैरान छन्। चिनेजानेकालाई आफू बम पड्काउने देवराज होइन भनेर सफाइ दिँदादिँदा उनी थाकेका हुन्।
काभ्रे सदरमुकाम धुलिखेलस्थित डेरामा बस्दै आएका लामाका मंगलबार र बुधबार चिनेजानेका र बाटोमा भेटेकालाई स्पष्टीकरण दिएरै बित्यो। 'मंगलबार त कतिले त्यो देवराज भन्ने यही हो भनेर मेरै नाममा बाजीसमेत थापेछन्,' उनले सुनाए।
लामा काभ्रे जिविस (तत्कालीन जिल्ला पञ्चायत) मा २०४४ जेठदेखि २०४६ चैत २५ सम्म उपसभापति थिए। त्यतिखेर संयुक्त मार्क्सवादी पार्टीमा आबद्ध उनलाई वामपन्थीका साझा उम्मेदवारका रुपमा वाम बुद्धिजीवी श्याम श्रेष्ठले उम्मेदवार सिफारिस गरेका थिए। पछि एमालेमा प्रवेश गरेका उनले २०४८ मा टिकट नपाएपछि काभ्रे क्षेत्र नं १ र २ दुई ठाउँबाट स्वतन्त्र ( कुखुराको भाले चिह्न) उम्मेदवार बनेका थिए। दुवै ठाउँबाट पराजित भएपछि उनले एमाले पनि छाडे र कांग्रेसमा आबद्ध भए।
२०४९ असार १५ गते गिरिजाप्रसाद कोइरालाबाट टीका लगाएर कांग्रेस छिरेका लामा अहिले काभ्रे कांग्रेस क्षेत्र नं १ बाट क्षेत्रीय प्रतिनिधि छन्।
Posted by Arghakhanch Online
on 10:26 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
