हवल्दारसँग रोमान्स गर्ने एआइजीले २० लाख तिरे
News, राष्ट्रिय समाचार 9:33 PM
२६ फागुन, नेपाल प्रहरीका अतिरिक्त प्रहरी महानिरिक्षक एआइजी कल्याणकुमार तिमिल्सिना २० लाख रुपैयाँ तिरेर यौनकाण्डबाट उम्किएका छन् । नेपाल प्रहरीका यी वरिष्ठ अधिकारीले आफूमाथि यौनशोषण गरेको भन्दै कनिष्ठ महिला प्रहरी हवल्दारले प्रधानमन्त्री कार्यालयमा उजुरी दिएका थिइन् ।
प्रधानमन्त्री कार्यालय श्रोतका अनुसार तिमिल्सिना र महिला हवल्दारबीच करीब ४ वर्षसम्म यौन सम्बन्ध रहँदै आएको थियो । सिपाही हुँदादेखि नै एआइजीले यौनसम्बन्ध राख्न थालेको र पछि उनैले हवल्दारमा बढुवा गराइदिएको प्रहरी प्रधान कार्यालय श्रोतले बताएको आजको नयाँपत्रिका दैनिकले छापेको छ ।
नाम गोप्य राखिएकी ती महिला हवल्दार अहिले प्रहरी प्रधान कार्यालयमा कार्यरत छिन् । उनी र एआइजीबीचको सम्बन्ध पछिल्लो समयमा बिगि्रएको थियो र उनले एआइजीले आफुबाट फाइदा उठाएको भन्दै गएको भदौमा प्रधानमन्त्री कार्यालयमा उजुरी दिएकी थिइन् ।
सरकार र प्रहरीका उच्च अधिकारीले मिलापत्र गर्न ती महिलालाई दबाब दिएपछि उनले ५० लाख माग गरेकी थिइन् । तर २० लाखमा कुरो मिलेको हो । एआइजी तिमिल्सिनाले भने आफुमाथिको आरोप अस्विकार गरेका छन् ।
Posted by Arghakhanch Online
on 9:33 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
