ढुकुटी खेलाउन असफल भएपछि एक महिलाले आत्महत्या

६ चैत,धादिङ थाक्रे घर भई हाल कुलेश्वर बस्दै आएकी भवानी लामाले महानगरीय प्रहरी वृत्त कालीमाटीको हिरासत कक्षमै रहेको शौचालयको गि्रलमा सारीको पासो लगाएर आत्महत्या गरेकी हुन् । ढुकुटी खेलाउने नाममा विभिन्न व्यक्तिसाग पैसा सापटी लिई फरार भएकी भवानीलाई प्रहरीले पक्राउ गरी कारबाही अगाडि बढाएको थियो । गत फागुन २१ गते भवानी एकाएक हराएपछि उनका पति चन्द्रबहादुर तामाङले पत्नी खोजिदिन भन्दै प्रहरीमा निवेदन दिएका थिए । त्यसको भोलिपल्टै ठगिएका ४० जनाले भवानीविरुद्ध उजुरी दिएका थिए ।सामान्य लेखपढ गर्न जानेकी भवानी विभिन्न व्यक्तिबाट ४० तोला सुन लिई सोल्टीमोडस्थित पन्च एन्ड सन्स ज्वलेलर्समा राखेर लाखौं रकम निकालेकी थिइन् । यसरी सापटी लिएर रकम लिएर ढुकुटी खेलेको भए पनि उनी असफल भएको राजधानी दैनिकले समाचार प्रकाशन गरेको छ ।

सम्बन्धित पोस्ट हरु : News, राष्ट्रिय समाचार