प्रचण्डपुत्र प्रकाश दाहाल फरक मनोदशामा छन् ।
News, राष्ट्रिय समाचार 9:24 PM
१२ चैत, यतिबेला माओवादी अध्यक्ष प्रचण्डपुत्र प्रकाश दाहाल फरक मनोदशामा छन् । मौनजस्तै छन, एकान्तजस्तै छन् ।
सधै केही न केही अपडेट गरिरहने प्रकाशको फेसबुक अकाउन्ट डिएक्टिभ गरिएको छ । बिना हिच्किचाहट संचारकर्मीको टेलिफोन रेस्पोन्स गर्ने उनी केही दिनदेखि मिडियाबाट टाढा छन् । निकटवर्तीहरुका अनुसार उनी केही हच्किएको र थच्किएको अबस्थामा छन् । उनको अनुहारमा पहिलेको जस्तो चमक पनि छैन, वास्तवमै प्रकाश तिस्तेज छन् ।
शान्ति र संबिधानका लागि भन्दै सगरमाथा चढ्ने अभियानमा बदनाम भएपछि उनी गुमनाम भएको आइतवारको नेपाल साप्ताहिकले छापेको छ ।
राजनीतिमा खास रुची नराख्ने र अरुले उल्क्याईदिए उल्किने स्वभावका प्रकाशमा पछिल्लो दिनमा शक्ति र सार्मथ्यको आडमा घमण्ड बढ्दै गएको र उनको वरिपरि रहेका केही महत्वकांक्षीहरुले उनको हैसियतलाई दुरुपयोग गरेको समाचारमा उल्लेख छ ।
‘पछिल्लो समयमा उनलाई केही महत्वकांक्षीहरुले बोकेर हिडेका छन र उनी त्यो घेरा तोड्नै गाह्रो हुने अबस्थामा पुगेका छन’- कुनैवेला प्रचण्डका स्टाफसमेत रहेका एक माओवादी नेता भन्छन- प्रकाशलाई यही बाटोमा अघि बढाउंदा प्रचण्डलाई घाटा हुन्छ ।’
छोराछोरीले भनेको टार्न नसक्ने प्रचण्डको मुख्य कमजोरी हो । एकमात्र छोरा प्रकाशप्रति त उनको अगाध माया छ । यही मायाका कारण प्रकाश जनमुक्ति सेनामा जान खोज्दा पनि रोकेको बताइएको छ । पछिल्लो दिनमा उनी महंगा साधन प्रयोग गर्ने, साँझ मदिरा पिउन रुचाउने स्वभावका रहेको समाचारमा उल्लेख छ ।
Posted by Arghakhanch Online
on 9:24 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
