बाजुराको विकट वस्तीमा एक परिवार विगत ३५ वर्षदेखि नै गरिबीकै कारण ओडारमा बस्दै आएका छन् ।
News, राष्ट्रिय समाचार 8:40 PM
४ चैत, बाजुराको विकट वस्तीमा एक परिवार विगत ३५ वर्षदेखि नै गरिबीकै कारण ओडारमा बस्दै आएका छन् । तिनजना सदस्य रहेको यो परिवारको सम्पत्तिको नाममा एउटा आँखा फुटेको गाई अनी एउटा बिरालो मात्र छ ।
कोल्टी गाविस-८ बेडुपानीमा रहेको ओडारमा ६० वर्षीया काच्ची रोकायाको परिवार यसरी वर्षौँदेखि बस्दै आएको हो । काल्चीका साथमा उनका जुम्ल्याहा छोराछोरी पनि बस्दै आएका छन् । काल्चीका पति हंशको गत असार १३ गते ओडारमै मृत्यु भयो । पतिको मृत्युपछि यो परिवारको झनै बिजोग भएको छ ।
हंशका दाजुभाइ थिए । सबै दाजुभाइका परिवार जिल्लाकै विभिन्न ओडारमा बस्दै आएका छन् । हंशका जेठा दाइको पनि जिल्लाकै कुरुमा रहेको अर्को ओडारमा दुइ वर्ष पहिले पहिरोमा पुरिएर ज्यान गएको आजको अन्नपूर्ण पोष्ट दैनिकले छापेको छ ।
जग्गाजमिन नभएरपछि बाध्य भएर ओडारमा बस्न गरेको काल्चीकी भतिजी कालीले बताइन् ।काल्चीपनि प्रष्टसँग बोल्न सक्दिनन् । गहभरी आश्ु झार्दै लरबराउँदै काल्चीले भनिन्, ‘श्रीमान् पनि मरिगयो अब के गर्ने , कसरी छोराछोरी पाल्ने? गाउँलेको काम गरेर चामल र सिस्नोको ढिँडो पकाएर खान्छौँ कुन दिन भोकै मर्नुपर्ने हो थाहा छैन ।’
काल्चीका जेठो छोरा नारायण र जुम्ल्याहा छोराछोरी रत्ना र गगन छन् । नारायण संकटकालदेखि नै तराइतिर बस्दै आएका छन् । काल्चीजस्तै साप्पाटा ९ मुक्तिकोटमा रैभाने विक र गोत्री ७ नारकोटमा लालपुरा नेपालीको परिवार पनि ओडारमा बस्दै आएका छन् ।
Posted by Arghakhanch Online
on 8:40 PM.
Filed under
News,
राष्ट्रिय समाचार
.
You can follow any responses to this entry through the RSS 2.0
